Este sábado tivo lugar a homenaxe aos Mártires da Frouseira onde se deu lectura ao MANIFESTO DA IDENTIDADE por parte de Helena Sánchez, membro da Liga Céltiga Galaica.
Manifesto da Identidade:A Frouseira 1483-2013
Cúmprense 530 anos do comezo da anexión territorial por parte do outrora denominado Reino de Castela, hoxe sinxela e artificiosamente España.
Unha ocupación que non foi un sinxelo paseo militar senón unha riola de batallas a ferro e fouce cun alto custo por ambas as dúas partes, aínda que nós, os galegos, perdemos a liberdade e o poder de decisión.
Mantivemos a cultura, a lingua e a identidade, non por concesión do ocupante senón por un bravo exercicio de resistencia cotiá, exercicio vixente na actualidade, despois de 530 anos.
Se os galegos do século XV non eran casteláns, os do século XXI non somos españois.
Se onte resistiron nesta montaña, enchoupada en sangue, hoxe… hoxe sodes vós quen ten que escoller e cismar no que cómpre facer, se entregarse dunha vez para rematar sendo unha barriada do extrarradio español, ou empregar a resistencia que nos legaron os mártires da Frouseira, para conquerir unha nación con vontade de seu, coa dignidade na tona da pel, coa identidade pola que morreron os nosos devanceiros como bandeira.
Para encetar este vieiro non hai terra máis solemne ca esta Frouseira dos milleiros de mortos, a cal, podemos converter no primeiro chanzo cara a soberanía nacional, hoxe, aquí, 530 anos despois, onde os nosos tataravós decidiron loitar e morrer ceives, nós decidimos loitar para vivir ceives!
AVANTE GALIZA CEIVE!
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
