Alcoa San Cibrao celebra a vindeira semana, do 2 ao 5 de decembro, a súa VII Semana da Seguridade e o Medio Ambiente que, como anteriores edicións, quere fomentar a cultura da saúde e a prevención de riscos laborais mediante conferencias divulgativas, talleres prácticos e coloquios impartidos por expertos e dirixidos a profesionais, centros educativos, asociacións veciñais e a empregados do complexo industrial da Mariña.
Rubén Bartolomé, director da fábrica, inaugurará as xornadas o vindeiro luns, no Pavillón de Deportes de San Cibrao, xunto ao alcalde de Cervo, Alfonso Villares, e a directora do Instituto Galego de Seguridade e Saúde Laboral, Mª Adela Quinzá-Torroja García. Así mesmo, poderanse visitar os stands instalados para a Semana tanto por Alcoa como polas empresas e entidades colaboradoras. O programa do día completase cunha sesión de prácticas de camións contra incendios.
A Casa de Cultura de San Cibrao acollerá o 3 de decembro a primeira das dúas xornadas técnicas previstas sobre prevención de riscos, seguridade das máquinas, protección de caídas e implantación de plans de emerxencia, que están dirixidas a persoal docente, municipal e alumnos de ciclos dos centros de ensinanza superior. Ademais, abrirase un stand de educación ambiental no pavillón de deportes que permanecerá aberto para os alumnos dos centros de educación primaria de Cervo e San Cibrao.
Nos talleres de educación ambiental, celebrarase tamén o evento “Día ALCOA do medio ambiente no cole”, que inclúe talleres, o espacio expositivo “Punto de Encontro” con paneis explicativos sobre a natureza e temas medioambientais, e unha gymkana ecolóxica, entre outras actividades coordinadas polos monitores de medio ambiente.
O día 4, o director xeral de Gas Galicia, Roger Serrat, informará sobre os usos do gas natural a todos os cidadáns interesados, e a Guardia Civil de Tráfico dará unha charla a alumnos dos colexios locais sobre accidentes na estrada.
O xoves, 5 de decembro, a saúde e o tratamento dos residuos serán os temas a tratar en sendas sesións abertas ao público xeral.
O xoves iniciarase tamén a plantación de 17.000 árbores autóctonos no municipio de Cervo, actividade patrocinada pola Fundación Alcoa e que forma parte do Programa Ardilla de ámbito nacional.
A Semana de Saúde, Seguridade e Medio Ambiente de Alcoa San Cibrao consolídase como foro de referencia na comunidade autónoma en prevención de riscos laborais e saúde, cunha variada oferta de calidade en todos os aspectos tratados.
Alcoa, líder en España no sector do aluminio, considera que os seus logros en saúde, seguridade laboral e medio ambiente son un dos seus principais indicadores de liderazgo global. Neste contexto, a fábrica de San Cibrao asumiron o compromiso de traballar de maneira segura e responsable, respetando o medio ambiente e a saúde dos traballadores e da comunidade, sen arriscar este compromiso por razóns económicas ou productivas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
