Besteiro recorta

Os orzamentos da Deputación Provincial de Lugo para o ano 2014 redúcense en máis de catro millóns e medio de euros. Ainda que esta rebaixa NON debería ser significativa a nivel global, si chaman a atención os recortes que se producen nas correspondentes partidas que superan cantidades aceptables.

Certo é que o papel aguanta todo pero NON é menos certo que este documento, o orzamento, é o documento máis fiable para saber a real folla de ruta que se marca o secretario xeral do PSOE para o 2014.
Dunha lectura detallada, destacan OS RECORTES en prestacións económicas aos empregados, en cultura, en deportes e en igualdade…

Pero máis destaca se contrastamos titulares do Sr. Besteiro…. “O noso proxecto político baséase no emprego e en servizos sociais”…compromiso de titulares, pero irreais nos orzamentos e en emprego fundamentalmente, sobre todo, na execución dos mesmos. Dende todos os análisis posibles…irreais…ficticios.

Para o 2014, no que a servizos sociais se refire, segue instaurado o secretario xeral do PSOE NA INSUMISIÓN, AFOGANDO OS CONCELLOS E INCUMPRINDO A LEI. Unha vez máis, abandona os usuarios de axuda no fogar básico sen pagar o que estáobrigado a pagar a súa Institución.

E en emprego…consigna no papel e NON executa… De feito no 2013, cos datos a 30 de setembro, de cada 100 euros NON tiña executado nin o 5%…e cando desenvolve un plan de emprego anuncia que afectara a todos os concellos de menos de 5000 habitantes e só chega a 12.

Os orzamentos reflicten ademais o abandono aos concellos das cantidades económicas garantidas para eles, xa que redúcenseunha vez máis. Esta institución, que debe ser CONCELLO DE CONCELLOS, esquécese deles, practicando unha asfixia económica e desatendendo solicitudes de cooperación de xeito constante.

Como sempre decimos, o que é medible non é interpretable…e así vemos, o descarado abuso dos numerosos convenios excepcionais, NON recollidos nos orzamentos ou as subvencións nominativas que están consignadas para o 2014 dos concellos gobernados polo PP (42 de 67); en torno ao 63% sóteñen recollidos o 16 de cada 100 euros destes fondos.

Realmente os orzamentos demostran que se continúa empregando esta institución e o seu diñeiro público como ferramenta exclusivamente política, causando un dano irreparable nas economías locais e, sobre todo, nos veciños e veciñas da nosa provincia. Un comportamento indigno e intolerable.

Lugo, a 14 de decembro de 2013
ElenaCandia López. Voceira do PP na Deputación de Lugo