Ribadeo, 19 de decembro de 2013. Este sábado, 21 de decembro, ás 20:30 horas vaise inaugurar unha exposición do artista plástico barreirense Celso Dourado na tenda bar Amodiño, de Ribadeo, onde poderá visitarse durante todo o Nadal, ata despois de Reis. A mostra titúlase Verdegando, eloxio ao verde e no acto inaugural actuará o músico intérprete de sitar hindú Chus, coñecido artisticamente como Karma Darma Project.
Celso Dourado explicou que esta exposición xurdiu porque “pedíronmo os donos da tenda bar Amodiño e vámola inaugurar o sábado a partir das oito e media da noite. Nas miñas exposicións sempre procuro levar algún músico, porque creo que é o complemento perfecto. Neste caso é unha persoa moi querida por min, Chus, que é un virtuoso do sitar hindú, un home que vive illado na serra da Bobia, alá nos cumios dos Oscos e dedícase case en exclusiva á meditación e a tocar o sitar. Vainos dar un concerto que merece moito a pena porque realmente é un dos grandes virtuosos no estado español deste instrumento hindú”.
O artista barreirense engadiu que “a exposición titúlase Verdegando, eloxio ao verde. É unha serie que eu fixen ao longo do tempo, sobre todo nestes últimos anos, que combina un pouco o humano co vexetal. Está tratado dunha forma moi surreal e realmente é un resultado bastante apetitoso. Prima sobre todo a cor verde, xa que a idea ía por aí. Esta exposición creo que encaixa ben neste tipo de espazo, que, para as persoas que non o coñezan, hai que comentar que é un bar tenda onde se venden produtos ecolóxicos. A apertura da exposición estará condicionada ao horario do establecemento, que abre tanto pola mañá como pola tarde-noite”.
A tenda bar Amodiño está no casco vello de Ribadeo, concretamente no número 8 da rúa Amando Pérez.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
