Empate no derbi galego en Primeira División da LNFS (1-1)

O Burela Pescados Rubén empata (1-1) no Multiusos do Sar ante o Santiago Futsal nun derbi galego vibrante ata o final. Ademais de romper a inmaculada traxectoria dos locais que ceden os seus primeiros puntos da temporada, os mariñáns conseguen chegar á última xornada da primeira volta, fronte ao Marfil Santa Coloma, con opcións para a Copa de España “Logroño 2014”, sen depender de terceiros. A oitava posición dirimirase entre Burela Pescados Rubén (16 puntos), Ríos Renovables (15 puntos) e Peñíscola Dunviro (14 puntos).

O derbi galego brilou pola igualdade, a intensidade e as alternativas no dominio do xogo entre dous conxuntos que buscaron a meta rival sen concesións. Unicamente a excelente actuación dos porteros, Juanjo e Alex, impediu ver un marcador con máis goles. No ecuador do primeiro periodo, Matamoros certificou cun zurdazo raso o mellor inicio dos bureleses ante un Santiago que estaba incómodo ante a presión laranxa. Puido o Burela ampliar a súa renda, pero foron os santiagueses os que golpearon máis forte. Diego Quintela desfíxose do seu par e enviou un misil á escadra burelesa, logrando o empate a un minuto do descanso.

No inicio da segunda parte o Santiago Futsal apretou aos mariñáns que lograron saír indemnes e reaccionaron cun disparo seco de Isi que se estrelou na escuadra de Juanjo. O duelo estaba en todo o alto con ambos contendentes golpeando e contraatacando ó seu rival, pero a igualdade continúa reinando no marcador. No minuto 34 chegou a expulsión do burelés Mimi, dobre amonestación, pero os de Juanlu souberon frear as embestidas locais e tras superar o perigo cercaron a meta de Juanjo que impediu a vitoria mariñá.

Ficha técnica
Santiago Futsal: Juanjo, David, Quintela, Lucho, Pazos –cinco inicial- Barroso, Santi, Chus, Hugo Sánchez, Eloy Rojas, Hamza.

Burela FS Pescados Rubén: Álex, Isi, Matamoros, Antoñito, Burrito -cinco inicial- Iago Míguez, Mimi, Juanma, Hugo, Christian.

Goles: 0-1, m.10, Matamoros; 1-1, m.19, Quintela.

Árbitros: Sanzol Goñi, Urdanoz Apezteguia. Tarjetas: En Santiago: amarilla a David Pazos; Eloy Rojas. En Burela: amarilla a Matamoros; 2 amarillas a Mimi, expulsado m. 34.

Incidencias: Partido correspondente á decimocuarta xornada de Primeira División LNFS (Vista Alegre). 200 afeccionados laranxas arrouparon ó seu equipo no Multiusos Fontes do Sar.