A Xunta de Goberno deste venres aprobou a addenda da Xunta ó convenio dos GES, pola que houbo que esperar máis de 6 meses, na que por fin se determina como se realizan as transferencias económicas ós Concellos das administracións que financian os Grupos de Emerxencia Supramunicipais, é dicir, Xunta de Galicia, Deputacións provinciais e FEGAMP. O voceiro provincial socialista, Manuel Martínez, explicou que “remata deste xeito o bloqueo da Xunta ó convenio dos GES. As administracións poden realizar as transferencias económicas ós Concellos. A Deputación farao de xeito inmediato. Antes de finais de ano, adiantemos os municipios cumpridores 250.000 euros, que representan o 70% do orzamento total para dous anos, que ascende a 350.000 euros”.
A institución luguesa foi a única administración que detectou graves erros na redación do convenio de colaboración dos GES entre Xunta de Galicia, Deputacións galegas e FEGAMP. Fíxoo en maio, alertando de xeito inmediato á Xunta para a súa corrección, posto que isto impedía a aprobación definitiva do convenio e, o que é máis grave, realizar as achegas económicas correspondentes das administracións implicadas ós municipios. Xa en maio, a propia Xunta de Galicia confirmou a existencia destes erros, que versan sobre a transferencia orzamentaria ós municipios e a localización dos grupos.
Ante esta confirmada situación, xa hai máis de medio ano que a institución solicitou á Xunta unha addenda ó convenio para desbloquealo. O Goberno galego enviou unha primeira addenda hai tan só 20 días coa que, non só non se solventaban estes erros, senón que se alteraban os baremos para a contratación do persoal, establecendo que non era necesario o concurso oposición e fixando a selección dos traballadores só en base a un temario.
É dicir, a primeira addenda da Xunta rachaba coas bases de selección comúns acordadas por todas as administracións implicadas para garantir a igualdade de oportunidades. No caso de ser aprobada, quedaría regularizada a situación dos Concellos de Guitiriz, que alternou as bases de selección, de Quiroga e do Courel, que realizaron concursos de méritos e non de oposicións, dos que resultaron contratados a irmá da Alcaldesa do Courel e un primo carnal do seu marido, entre outras persoas afíns ó PP.
O 4 de decembro, durante a celebración dunha Comisión de Seguimento dos GES, a Deputación conseguiu que a Xunta aceptase realizar unha nova addenda (a aprobada hoxe pola Xunta de Goberno) que responde ás carencias e corrixe os erros do convenio inicial.
Melloras no contorno do Rato e Fervedoira
A sesión aprobou un proxecto de 150.000 euros para melloras no contorno dos ríos Rato e Fervedoira, que inclúe as zonas de Paradai, A Chanca e O Rato, afectadas polas riadas. Con esta iniciativa, que será executada por técnicos provinciais de Suplusa, a institución levará a cabo as seguintes actuacións: arranxo dos muros de mampostería en 1.600 metros, retirada dos escombros do cauce, reconstitución dos taludes ou reparación de socavóns.
A Xunta de Goberno acordou as contas xustificativas de catro obras do plan de comunidades veciñais, executadas en núcleos rurais de Antas de Ulla, O Valadouro, A Pontenova e Pedrafita do Cebreiro, dotadas de 36.200 euros da Deputación.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
