O Presidente da Deputación, José Ramón Gómez Besteiro, recibiu este venres o premio Crer no movemento veciñal, que outorga por primeiro ano a Confederación Galega de Asociacións Veciñais (COGAVE). Gómez Besteiro foi galardoado a proposta da Federación Veciñal de Lugo que distingue, deste xeito, o apoio continuado do Presidente da Deputación ás iniciativas deste colectivo en prol da participación cidadá. Todas as Federacións Veciñais galegas propuxeron os seus premiados entre os que se atopan persoeiros da cultura, política e o mundo empresarial de toda Galicia.
Gómez Besteiro agradeceu o premio e salientou a importancia do recoñecemento por proceder dos veciños. O Presidente da Deputación puxo como exemplo de forza e cooperación ás Federacións Veciñais e destacou o impulso dende o organismo provincial a políticas de participación cidadá, con iniciativas como o proxecto orzamentario que promoverá o vindeiro ano a participación das organizacións sociais, co fin de que estas coñezan en profundidade o funcionamento dunha Deputación.
O Presidente de COGAVE e Presidente da Federación de Asociacións Veciñais de Lugo, Jesús Vázquez, destacou que a agrupación que preside decidiu distinguir a Gómez Besteiro pola súa extraordinaria relación cos veciños, que cristaliza en proxectos beneficiosos para a cidadanía. Son proxectos como os hortos do Río Rato, ou os Días do Veciño e da Flor nos que participan milleiros de persoas. Tamén polo seu apoio incondicional para conseguir servizos necesarios para os lucenses como ocorreu na campaña do HULA e polo seu empeño en achegar a administración e abrir as portas da Deputación a todos os lucenses.
Esta é a primeira edición destes premios que distinguen o traballo de persoeiros do mundo da cultura, da política ou da empresa que se caracterizan por un especial apoio ás iniciativas do movemento veciñal. Os galardoados foron propostos polas Federacións Veciñais de Galicia e, ademais de Gómez Besteiro, recibiron o recoñecemento o director xeral de Coren, Emilio Rial, ou institucións como a Fundación Alcoa e a Plataforma SOS Sanidade Pública, entre outros.
450 asociacións e 100.000 veciños
A Deputación colabora con COGAVE que é a Confederación que agrupa ás Federacións Veciñais de toda Galicia. Ten 12 anos de existencia e na actualidade o seu Presidente é o lucense Jesús Vázquez, que tamén preside a Federación Lucense de Asociacións Veciñais. A COGAVE agrupa a 10 federacións, entre as que se inclúen, ademais das catro provinciais, as de grandes áreas metropolitanas. En total, este colectivo reúne 450 asociacións veciñais de toda Galicia que contan con máis de 100.000 socios, 15.000 deles lucenses.
A colaboración da Deputación con COGAVE responde ó compromiso da Deputación de apoiar e reforzar o movemento asociativo da provincia, como un mecanismo imprescindible para o progreso social, para acadar unha sociedade máis xusta e integradora.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
