Santiago, 10 de decembro de 2013.- A presidenta do Consello Consultivo de Galicia, Mª Teresa Conde-Pumpido, e o presidente da Deputación Provincial de Lugo, José Ramón Gómez Besteiro, asinaron este martes un protocolo de colaboración para o desenvolvemento conxunto de actividades de carácter formativo, divulgativo e investigador en materias competencia destas dúas institucións.
A sinatura deste acordo de colaboración prodúcese despois de que desde o Consello Consultivo de Galicia se iniciase unha aproximación á Administración local, concretamente ás catro deputacións galegas, co fin de redundar na cooperación institucional e facer máis visibles os vínculos de colaboración que unen a estes organismos. Este é pois, o primeiro acordo destas características que se asina, pero en datas futuras, o CCG tamén ratificará cadanseu convenio coas restantes deputacións.
Tras ratificar o texto, a presidenta do Consello Consultivo de Galicia destacou que esta iniciativa se enmarca no obxectivo deste organismo de fomentar a formación en materia xurídica de funcionarios. Neste senso, Mª Teresa Conde-Pumpido lembrou a colaboración coa EGAP que permite a formación a funcionarios da Xunta de Galicia e tamén da Administración local e valorou a oportunidade que ofrece a Deputación Provincial de Lugo como “enlace” máis directo coa xestión local. A presidenta do CCG salientou que este é o primeiro acordo destas características e apuntou que pronto se sumarán as tres restantes administracións provinciais nun intento de “achegar o traballo de seguridade xurídica que ofrece o CCG ás Administracións locais”.
Pola súa banda, o presidente da Deputación Provincial de Lugo destacou a “magnífica labor” que desempeña o CCG e comprometeuse a “divulgar este órgano e trasladar o seu traballo aos concellos da provincia lucense”. Neste sentido, José Ramón Gómez Besteiro salientou que cada vez máis, os goberno locais, e sobre todo os de menor tamaño, demandan este tipo de asesoramento, o que outorga, ao seu xuízo, “máis información e máis transparencia” na xestión local. Para o presidente da Deputación lucense, este acordo contribuirá a mellorar o servizo público dos entes locais, proporcionado un “mellor traballo aos cidadáns”.
A sinatura deste acordo produciuse no decurso dunha visita institucional do presidente da Deputación Provincial de Lugo a sede do Consello Consultivo de Galicia, na que o responsable provincial tivo ocasión de departir con varios conselleiros do órgano autonómico ao tempo que coñeceu de primeira man, o procedemento previo ao ditame do CCG sobre calquera asunto ou materia.
Mª Teresa Conde Pumpido explicoulle a José Ramón Gómez Besteiro como se ten incrementado nos últimos anos a actividade deste órgano e a valoración cada vez máis positiva da utilidade dos ditames emitidos. Ademais, puxo o CCG ao servizo da administración provincial e local para que soliciten o seu asesoramento naqueles documentos e expedientes que o consideren necesario.
Colaboración
Segundo o protocolo asinado este martes, o Consello Consultivo de Galicia e a Deputación Provincial de Lugo realizarán cursos, xornadas, seminarios e outras actividades de divulgación. Ademais, editarán libros, outras publicacións e documentos de traballo e promoverán a actividade investigadora das dúas institucións mediante proxectos de investigación conxuntos. O Consello Consultivo de Galicia e a Deputación Provincial de Lugo comprométense tamén a impulsar administración electrónica.
Segundo recolle o protocolo asinado, os dereitos de propiedade intelectual e industrial sobre a totalidade das creacións que resulten deste protocolo, serán titularidade conxunta da Deputación e do CCG. Ademais, cada un dos organismo comprométense a enviar ao outro exemplares das publicacións e traballos enmarcados nesta colaboración para que estes figuren entre os fondos bibliográficos da Deputación e do Consello Consultivo.
Deste xeito, a Deputación Provincial de Lugo cumpre un dos seus cometidos como organismo prestador de servizos públicos de carácter supramunicipal e como institución cercana á cidadanía preocupada polo desenvolvemento de actividades socioculturais que poñan en valor o patrimonio material e inmaterial da Comunidade galega.
Precisamente, para o bo desenvolvemento das actividades enmarcadas neste protocolo, constituirase unha comisión mixta, integrada por representantes de cada unha das institucións asinantes que se encargará entre outros cometidos, de concretar, seguir, interpretar e avaliar as accións derivadas deste acordo.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
