O Consello Político Nacional de Espazo Ecosocialista cre que estamos nunha nova etapa na construción da esquerda nacional

Espazo Ecosocialista reuniu a súa sesión trimestral do seu Consello Político Nacional. Nela analizouse a situación política, abordouse o debate sobre a fase na que esta a construción da esquerda nacional e convocou a súa II Asemblea Nacional.

Para Espazo Ecosocialista seguimos a vivir unha situación dramatica para as persoas que contrastan coa propaganda que desde o Goberno Central e a xunta de Galicia faise sobre a situación económica. Nese senso lamenta que os orzamentos da Xunta de Galicia aprobamos esta semana no parlamento de Galicia aposta pola prioridade no pago da debeda, polos recortes sociais e a falla de propostas inversoras. Tamén o remate do proceos de bancarización e desmantelamento das caixas galegas coa venda de saldo de NGB ao banco venezolano Banesco.

O impulso á Campaña da Renda Básica, como ferramenta para un cambio de concepto do traballo e tamén dos dereitos sociais é clave. Espazo valora positivamente a campaña europea a favor da Renda Básica Incondicional, a inciativa que se pora en marcha a nivel de estado por organizacións sociais e tamén o anuncio da Junta de Andalucia de levar ao parlamento unha iniciativa de renda básica autonómica.

Espazo Ecosocialista tamén valorou como positivo o acrodo das forzas catalanistas para acordar data e pregunta do ‘dereito a decidir’ do xeito máis inclusivo. Para Espazo este acordo amplio das forzas parlamentarias catalanas amosan unha transversalidade nacional, superadora de fronteiras ideoloxicas entre nacionalistas e estatalistas. Ademais para Espazo a situación de Catalunya amosa un impulso cidadá importante e sobre todo confirma un esgotamento do modelo xuridico-político saido da transición e a necesidade da apertura dun novo porceso constituínte para unha nova democracia máis xusta no social, máis sustentable e por necesidade plurinacional.

O CPN de ESPAZO analizou a situación de AGE e a o momento no que esta a construción da esquerda nacional plural.

Espazo, máis alo das dificultades lóxicas nun proceso tan complexo, entende que AGE esta a ter dificuldades de construción coma instrumento político desde a súa constitución como colación electoral e a súa irrupción no parlamento galego.

Os últimos acontecimentos son a punta do iceberg dun problema máis grande en AGE que ten que ver coa falla de vontade da súa consolidación por unha parte da coalición e que se ven amosando na falla de interese en xuntar o CCC, en bloquear a celebración de asembleas unitarias como AGE, impedir aos grupos interactuar xunto coa cidadanía fora do parlamento,….

Hai dúas visións sobre AGE: a que entende AGE coma un acordo especifico para as autonómicas e mesmo conxuntural e outros que entendemos que a unidade da esquerda nacional é un proxecto estratéxico de longo percorrido.

En todo caso, as dúas visión son lexitimas e por iso Espazo imos cumprir cos nosos compromisos co Grupo Parlamentar de AGE, tal como o vimos facendo ata agora, participando no mesmo ata que remate a lexislatura.

Pero igualmente queremos deixar claro que temos dereito e imos seguir traballando, tal como o estamos a facer, para seguir a construír un referente plural da esquerda nacional con aquelas forzas que o queiran facer.

Nese senso o CPN ratifica o acrodo acadado con Esquerda Unida o 10 de outubro no que se apostaba por unha “coordinación de proxectos de ruptura a nivel de Europa e cunha alianza a nivel de Estado que permitan abordar un proceso de superación democrática do esgotado modelo saído da transición.”

Ampla unidade na que debe “participar un suxeito nacional galego, xa que a nova democracia debe ter un caracter plurinacional claro, coordinado cun proxecto de forzas de esquerda transformadora doutros territorios e mesmo do estado, tendo en conta a circunscrición única e a situación de crise sistémica e de novo proceso (s) constituínte (s).”

E ademais reafirmamonos tamén en “que ademais de alianzas electorais a esquerda debe avanzar en formular de cooperación estratéxica sobre un caracter democrático e nacional. Esquerda Unida e Espazo Ecosocialista Galego comprométense, nesa liña.”

O CPN de ESPAZO acorda desenvolver ese acordo con ESQUERDA UNIDA consciente da urxencia de definir progrmas e candidaturas para as próximas eleccións europeas, entendendo ademais que estamos xa nunha nova etapa na construción da esquerda nacional galega e plural.

Por último, e atendendo tamén a esta nova etapa que se abre, Espazo Ecosocialista aprobou a documentación e o calendario para a súa II Asemblea Nacional co carácter máis aberto posible, sendo responsables de que a esquerda cooperativa nacional necesita dun polo forte de esquerda galega renovadora.