“ALCOA está baixando o ritmo de produción por estar escaseando a Bauxita, que é a súa materia prima; xa que a nave de almacenamento esta case baleira cando no 2007 se chegou a ter 250.000 Toneladas como seguridade”, segundo apunta o delegado do CSI-F, José Manuel Piñar Quesada. Ademais, engade que “se da a paradoxe que actualmente están fondeados tres barcos con Bauxita que xuntos acumulan más de 180.000 Toneladas, un deles o Golden Oportunity leva un mes en espera de poder descargar”.
“Este feito que vai supoñer enormes costos para a planta é debido a dous problemas: por un lado a falta de previsión xa que levamos case un ano con stock por debaixo do mínimo de seguridade para aforrar custes por inmobilizado, e por outro lado, a saturación do muelle principal de descarga que actualmente é incapaz de manter o ritmo de produción da planta”, critica o CSI-f. Isto meteunos nun calexón sen saída que suporá enormes custes polas demoras dos barcos que moi posiblemente provocaran perdas ao final de ano”, advirte Piñar Quesada.
“Por outro lado a presión sobre os traballadores é enorme polo temor a ter que parar a planta ante a máis mínima avaría que atrase máis aínda a descarga dos barcos. Estanse atrasando reparacións da descargadora, así como das tolvas en espera de mellores momentos, para non agravar máis aínda o problema e incluso puntualmente estase chamando a traballadores de mantemento que se encontran de vacacións para reforzar o plantel e acurtar paradas de máquina”, afirma.
“Os políticos da Mariña deben plantexarse como é posible que en 34 anos aínda non se rematara a prolongación do muelle en ALCOA que permitiría derivar algúns barcos para desconxestionar o muelle principal xa que é o colar de botella que impide a capacidade de expansión da planta de Alúmina. Dita planta que foi deseñada nun principio para 800.000 Toneladas de produción actualmente, está chegando a case o millón e medio, loxicamente require melloras en instalacións que por suposto nun principio corresponde ao Goberno xa que é o propietario do muelle de descarga”, continúa o delegado do CSI-F en Alcoa.
“Se realizamos manifestacións pola Mariña, para pedir un prezo máis competitivo na tarifa eléctrica, é absurdo que agora se leven o diñeiro das ganancias os propietarios dos barcos que durante meses esperan fondeados en espera de poder descargar a mercancía”, considera Piñar Quesada.
Precisamente esta situación foi plantexada polo CSI-F, ao responsable de ALCOA en España (Sr. Camino) na entrevista que concedeu ao Comité de Empresa en días pasados a raíz da súa visita a San Cibrao.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
