Santiago, 12 de decembro de 2013.- O Parlamento galego celebrará a vindeira semana dúas sesións plenarias: unha primeira extraordinaria, para o debate e aprobación definitiva dos orzamentos da Xunta de Galicia; e unha segunda ordinaria, na que se procederá ao debate para a súa aprobación dos proxectos de lei de emprendemento e a competitividade económica; de caza; e de racionalización do sector público autonómico. O Grupo Popular incorporou a esta sesión unha proposición no de lei a través da que se insta á Deputación Provincial de Lugo para que rectifique e modifique as bases do Programa Temporal de Fomento do Emprego, que deixa fóra a 9 de cada 10 desempregados lucenses e ao que só poden aspirar 12 dos 67 concellos da provincia.
Pedro Puy informou, ademais, que ao inicio do pleno extraordinario de orzamentos tomará posesión como deputada do Grupo Popular Rosa Oubiña. “Trátase do relevo número once que se fai neste grupo parlamentario nesta lexislatura e ocupará o mesmo escano que deixou baleiro o novo director xeral de Administración Local, Alberto Pazos”, concretou.
GALICIA É CRIBLE
Respecto ao Pleno extraordinario para o debate e aprobación dos orzamentos da Xunta para o ano 2014, o portavoz popular dixo que este debate “conflúe cun momento económico no que se albisca a fin da recesión, o primeiro paso para saír da crise”. En concreto, apuntou que “a recadación en Galicia comeza a incrementarse despois de moitos anos e unha segunda axencia tamén eleva a cualificación da débeda galega”.
“Estase a confirmar que Galicia é crible e que existe confianza na economía española, e especialmente na galega, o que ten un efecto inmediato nas familias, porque o financiamento da comunidade autónoma vai ser máis barato”, manifestou.
O pleno ordinario dará comezo o martes pola tarde. Respecto á orde do día, Puy explicou que o Goberno galego introduciu tres proxectos de lei e o Grupo Popular dúas proposicións non de lei e dúas preguntas. “É dicir, sete dos 22 puntos que integran a orde do día, polo que a oposición multiplica por tres o número de iniciativas que introducen Goberno e grupo maioritario na orde do día, co que ten capacidade dabondo para traer os temas que considere necesario, controlar e impulsar ao Goberno”, sinalou.
TRES NOVOS TEXTOS LEXISLATIVOS
A primeira das iniciativas lexislativas que se debaterán para a súa aprobación é o proxecto de Lei de emprendemento e a competitividade económica, “un dos fundamentais que levábamos no programa económico para a presente lexislatura”. Puy destacou “algunhas disposicións autenticamente revolucionarias” que incorpora este texto, como a supresión do carácter xeral das licencias previas para as actividades económicas en Galicia ou os incentivos fiscais que afectan ao imposto da renda, o imposto de sucesións e o imposto de transmisións patrimoniais e actos xurídicos documentados.
“O proxecto de Lei de caza de Galicia ten unha importancia tanto a nivel territorial, pola extensión da actividade cinexética na Comunidade galega, como económico e social, porque estamos a falar de 450 tecores e arredor de 50.000 licencias de caza”, sinalou. Así mesmo, o portavoz popular afirmou que “incide en aspectos relevantes como a seguridade e a responsabilidade dos que participan na actividade”.
En terceiro lugar, debaterase para a súa aprobación o proxecto de Lei de racionalización do sector público autonómico, a través do que “o Goberno e o Grupo Popular pretenden incrementar o control e a transparencia na administración, así como reforzar a redución das cargas administrativas para as familias e as empresas nas súas relacións coa administración”. Neste sentido, Pedro Puy destacou que o Grupo Popular aceptou durante a tramitación parlamentaria unha emenda da oposición para que non se proceda á fusión do CIXTEC co Instituto Galego de Estatística.
Así mesmo, o Grupo Popular incorporou á orde do día desta sesión plenaria dúas proposicións non de lei. A primeira delas insta á Xunta a continuar co impulso do desdobramento do corredor do Morrazo, coa priorización do itinerario entre Rande e Cangas.
DISCRIMINACIÓN NOS CONCELLOS DE LUGO
“A segunda das proposicións non de lei do Grupo Popular pretende que o Parlamento se dirixa á Deputación Provincial de Lugo para que, en atención ás múltiples e maioritarias demandas dos alcaldes desta provincia, se proceda á modificación das bases que regulan o Programa Temporal de Fomento do Emprego impulsado por esta institución”, concretou o portavoz popular.
Sobre esta iniciativa provincial, Puy dixo que “deixa fora a 9 de cada 10 desempregados lucenses, ademais de que só poden aspirar a participar no mesmo 12 dos 67 concellos da provincia de Lugo, dos que 11 están gobernados polo PSOE ou o BNG”. “Parécenos que estamos ante unha iniciativa que ten unhas bases deseñadas ad hoc para producir un efecto discriminatorio entre os concellos e sobre todo para as persoas que poderían acceder a este plan de emprego, unha cuestión que non se produce cos plans desenvolvidos pola Xunta que van dirixidos a todos os concellos de Galicia e non conteñen unha filosofía discriminatoria”, engadiu.
Por último, as preguntas que realizarán os deputados do Grupo Popular ao Goberno galego versarán sobre a valoración da folga no eido asistencial e organizativo dos traballadores da sanidade pública de Galicia e sobre as medidas previstas para lograr unha maior eficiencia no emprego das axudas que se están a dar aos concellos para que avancen na elaboración do planeamento municipal.
COMPARECENCIAS DO GOBERNO
A preguntas dos xornalistas, Pedro Puy explicou que a ausencia de comparecencias de membros do Goberno galego nesta sesión plenaria ordinaria responde unicamente a “un problema de tempo material, unha vez que hai catro textos lexislativos e se cumpre sobradamente o regulamento en relación coas actividades de control e impulso ao Goberno”
En relación á solicitude da oposición para a comparecencia do Presidente da Xunta para dar conta da súa recente viaxe a Cuba, o portavoz popular recordou que o código ético e institucional que establece os criterios básicos para a regulación das viaxes oficiais, aprobado polo Consello da Xunta o 30 de decembro de 2010, contempla un epígrafe que fala de transparencia parlamentaria e recolle que o Presidente da Xunta, ou persoa na que delegue, comparecerá no Parlamento galego como mínimo unha vez durante o período de sesións para informar e explicar os obxectivos da axenda e das viaxes institucionais realizados fóra do territorio español.
“Este compromiso estase a cumprir porque a última comparecencia do director xeral de Relacións Exteriores tivo lugar no mes de xuño, e unha vez que estamos a piques de rematar este período de sesións o Goberno comparecerá na Cámara par explicar as viaxes ao exterior do Presidente da Xunta”, explicou.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
