Cervo, 13 de decembro de 2013- O Concello de Cervo e o Club de Tenis de Mesa de San Ciprián presentaron este venres o cartel e os detalles do II Torneo de Tenis de Mesa que se celebrará o día 21 de decembro no pavillón da Veiga de San Cibrao ás 16 horas. O alcalde de Cervo, Alfonso Villares, o edil de Deportes, Luis Guillén e o presidente do club, José Manuel Estéfano, participaron no acto.
Un campionato que na anterior edición tivo moi boa acollida e que este ano o Club de Tenis de Mesa de San Cibrao como organizador, e o Concello como colaborador, agardan que se manteña nos mesmos niveis de seguimento e incluso que se incrementen. A inscrición está aberta ata o día 19 e pode realizarse na Casa da Cultura, por teléfono no 982 59 51 57 ou no correo electrónico fernandez.rey@wanadoo.es.
Ao igual que na anterior edición, a competición distribuirase segundo catro categorías: alevín (de 8 a 10 anos), infantil (de 11 a 12 anos), cadete (de 13 a 15 anos) e absoluta (de 16 anos en diante). En canto aos trofeos, entregaranse aos primeiros, segundos e terceiros clasificados en cada categoría.
Este evento deportivo inclúese nos Pasatempos de Nadal e prográmase para estas datas co obxectivo de convocar ao máximo número de persoas posible, tendo en conta que se trata de días libres para moitas persoas e ao mesmo tempo inícianse as vacacións escolares.
Do mesmo modo que na primeira edición, o obxectivo do torneo é promover a práctica deste deporte, facelo visible e, desta maneira, espertar o interese daquelas persoas que aínda non o practicaron ou que poidan verse interesadas en mellorar a súa técnica. E é que cada vez son máis os afeccionados que dedican unha parte do seu tempo de lecer a esta disciplina. De feito o Club de Tenis de Mesa de San Ciprián conta con preto de 30 socios.
Neste caso, o torneo está aberto á participación de calquera persoa que coñeza a disciplina, sen ningún requisito de nivel, polo que “animamos a todos os deportistas aos que lles guste o tenis de mesa que se inscriban e participen” remata Guillén.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
