Lourenzá, 12 de decembro de 2013. A charla informativa deste mes organizada polo Concello está programada para o día 19, xoves, ás 21 horas no salón de actos da Casa do Concello e tratará sobre o sector forestal galego. Correrá a cabo do laurentino Jesús Sánchez Rocha, que é doutor enxeñeiro de Montes e profesor de Industrias Forestais na Escola Politécnica Superior de Lugo.
A alcaldesa de Lourenzá, Emma Álvarez Chao, anunciou que “o vindeiro xoves, día 19, ás nove da noite no salón de actos da Casa do Concello teremos unha nova charla relacionada co sector forestal. Desta maneira retomamos as charlas mensuais que dende hai xa un ano vimos facendo. Nesta ocasión o título da charla é o sector forestal galego e teremos con nós a un veciño que é unha persoa moi coñecedora do sector forestal. Trátase de Jesús Sánchez Rocha, que é doutor enxeñeiro de Montes e profesor de Industrias Forestais da Escola Politécnica Superior de Lugo. Aparte disto ten 23 anos de experiencia en empresas forestais, polo que é gran coñecedor desta materia non soamente pola parte académica senón tamén porque viviu moi de preto o que é o sector. Ademais é autor de varios libros, entre eles La industria del aserrado en la provincia de Lugo ou La industria del aserrado en Galicia”.
A rexedora municipal explicou que “nesta charla tratamos de reflexionar do que está pasando co monte en Galicia. Entón dividirase en tres partes: por un lado, a idea que hai fóra de España sobre o sector forestal; outra parte vai dedicala a falar do sector forestal en España, para despois centrarse en Galicia dende o punto de vista de vista do sector, tanto no que se refire ao mercado, os prezos, as sinerxías que debemos aproveitar nos nosos montes, así como tamén os inconvenientes, como poden ser o minifundismo e a falta de rendibilidade”.
Emma Álvarez anima “á xente a que acuda a esta charla, porque vamos falar das posibilidades que ten o noso monte e por parte dunha persoa que é do noso concello, coñece moi ben o noso territorio e tamén o sector. Polo tanto vamos falar de rendementos, de rendibilidade de distintas especies; é dicir, temas moi xerais pero cun punto de vista non soamente académico senón tamén práctico”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
