O Deputado provincial Alfredo Llano; o Xefe Territorial da Vicepresidencia da Xunta de Galicia, José Manuel Rozas Bello; xunto cos cabos Fernando González e Álvaro Pico, presentaron este xoves unha nova edición das actividades benéficas que organizan no Nadal os profesionais do Parque de Bombeiros de Barreiros, complexo posto en marcha polo Consorcio Provincial que integra Deputación de Lugo e Xunta de Galicia, co obxectivo de axudar a familias con dificultades económicas pertencentes ós 10 Concellos mariñáns nos que prestan cobertura – Ribadeo, Barreiros, Foz, Burela, Trabada, Mondoñedo, Lourenzá, Alfoz, O Valadouro e Riotorto-. No acto tamén participaron representantes de Veicar, entidade adxudicataria da xestión indirecta das instalacións contraincendios do Consorcio na zona norte da provincia (Barreiros, Viveiro e Vilalba).
Un maratón de fútbol sala para recadar alimentos. Logo do éxito acadado o pasado ano por esta iniciativa, o día 28 de decembro o pavillón Torques de Marzán, de Foz acollerá unha nova edición do maratón de fútbol sala. Bombeiros dos parques de Barreiros, Viveiro, Vilalba e Lugo, ademais de Gardas Civís, Policías Locais e persoal dos servizos de Protección Civil e do 061 -todos eles de ditos 10 Concellos- participarán nesta iniciativa, formando entre 9 e 12 equipos. Para poder acceder ó pavillón, os asistentes terán que traer algún lote de comida. O recadado entregarase posteriormente ós traballadores dos Servizos Sociais dos dez municipios beneficiados, como mellores coñecedores da situación das familias máis necesitadas, para proceder ó seu reparto.
O día 28 de decembro os encontros celebraranse no pavillón de Foz a partires das 9:00 horas ata as 19:00 horas, aproximadamente, momento no que se celebrará a final do torneo e a posterior entrega de agasallos ós participantes e trofeos ós vencedores.
Comercio solidario
Un ano máis, a colaboración dos establecementos mariñanos será fundamental para o éxito desta iniciativa. Todos os establecementos que desexen participar poderán adquirir as rifas que, ó prezo de 5 euros, darán dereito a participar no sorteo dunha fin de semana nun spa ou unha vaixela de pezas de Sargadelos. A recadación íntegra tamén irá a parar a mans dos traballadores dos Servizos Sociais municipais.
Entrega de xoguetes no Hospital
Un ano máis, os comerciantes da zona tamén cederon ós profesionais do complexo contraincendios barreirense ducias de xoguetes, sendo estes mesmos profesionais os encargados de entregarllos ós nenos ingresados na unidade de pediatría do Hospital da Costa, en Burela, o día 27 de decembro.
ADC Bombeiros da Mariña
Os profesionais deste parque veñen de poñer en marcha unha asociación con fins sociais, ADC Bombeiros da Mariña, para impulsar ó longo de todo o ano actividades benéficas para axudar a persoas en risco de exclusión social da Mariña. Para colaborar con esta asociación, ben neste Nadal ben o resto do ano, todos os que o desexen poden facer o seu donativo no número de conta 0049-1229-5323-90291007 do Banco Santander.
Para contactar con esta asociación poden dirixirse ó enderezo electrónico amarinaadcbombeiros@gmail.com, ou ben ós teléfonos 605-813-374 e 606-808-040.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
