Lugo, 31 de decembro de 2013. Este martes o pleno da Deputación de Lugo rexeitou a proposta do PP de deter o proceso de alleamento de accións que a Deputación posúe do CB Breogán cos votos en contra do equipo de goberno. O deputado do BNG e vicepresidente da Deputación, Antonio Veiga, defendeu o rexeitamento a esta proposta afirmando que “facendo caso ao PP estaríamos contradicindo o que nos indican os informes da secretaría, de intervención e da asesoría xurídica, que deixan claro que a única vía para proceder ao alleamento das accións é a poxa, tal e como se aprobou e se está a levar a cabo”.
Nesta liña, Veiga destacou que “non podemos ter en conta ao PP porque nós non estamos no goberno da Deputación para malversar caudais públicos, nin para prevaricar nin para facer negocios, e facer o contrario ao que nos indican os informes tanto da secretaría como de intervención sería prevaricar. E moito menos estamos aquí para facer negocios aproveitando a posición que outorga un cargo público. Non somos o PP nin imos tolerar un goberno que funcione como o partido de Bárcenas. É intolerábel a postura do PP a respecto desta cuestión xa que tivo a posibilidade de propoñer alternativas se vía fisuras no procedemento e non fixo nada, co que o único que podemos lamentar é a súa postura de situarse na mentira en relación co Breogán e xogue a desestabilizar o club xusto no momento no que está a atravesar unha situación económica e deportiva envexábeis”.
Por estas razóns, Antonio Veiga afirmou que “non imos permitir que o PP nos dea leccións de breoganismo tras termos aportado 1 millón de euros no que vai de ano ao Breogán e temos que lembrar que a Deputación aportou desde 2003 ao Breogán arredor de 10 millóns de euros. Queremos deixar claro o noso compromiso cun Breo gañador, asentado en Lugo, e neses sentido fixamos as limitacións pertinentes a fin de evitar a deslocalización do club, nunha liña na que tamén agardamos que a gran masa social que arrastra a entidade actúe con corresponsabilidade para facer do emblema do baloncesto lucense un equipo aínda máis grande”.
“Desde o primeiro momento no que entramos no goberno da Deputación mantivemos a nosa postura como nacionalistas de que as administracións públicas non deben facer parte das Sociedades Anónimas Deportivas, tamén nun acto de corresponsabilidade coas persoas que votaron á nosa forza política e de acordo a un programa que para nós, a diferenza do PP, non é papel mollado e polo tanto imos cumprindo, porque o BNG di o que fai e fai o que di” – afirmou Veiga.
Por último, Antonio Veiga denunciou o modus operandi do PP que se aferra agora a unha postura de confrontación cando permaneceu desvinculado plenamente nos órganos de representación da Deputación no Breogán, o Consello de Administración, coa ausencia reiterada do seu representante nas últimas xuntanzas do consello e que eran decisivas no proceso, José Manuel Arias, quen ademais foi o último delegado de Deportes da Deputación no goberno de Francisco Cacharro nunha época na que o Breogán non estaba precisamente “saneado”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
