A Banda de Música de Burela dará o seu tradicional concerto de Ano Novo este venres, día 3, ás 20:30 horas no Auditorio Municipal de Burela. Nesta ocasión, a Banda de Burela ofrecerá un concerto moi especial, no que interpretará pezas do cuarteto de latin-jazz Marosa Jazz Project.
Ambas as agrupacións interpretarán conxuntamente os temas máis significativos do Marosa Jazz Project, recollidos no disco gravado polo cuarteto en 2011, logo de acadaren o premio do público no “I Concurso Jazz Fussion” convocado pola Fnac e a Fundación Paideia Galiza. Todas as pezas están arranxadas para cuarteto de jazz (saxo alto, vibráfono, baixo e batería) e banda de música, adaptando os ritmos e harmonías do jazz e do latin a este novo formato.
Todos os temas son composicións e arranxos do vibrafonista burelao Israel Arranz, que ven de participar recentemente no concerto que deu o saxofonista sueco Cennet Jönsson xunto coa Orquestra Sinfónica de Galicia Jazz Band no festival Jazzatlántica da Coruña. Arranz é profesor de percusión na Escola de Música de Burela, director de AMAJAZZ Big Band e membro da Banda de Burela, tendo realizado distintos arranxos para estas agrupacións e composicións propias como o pasodobre para banda “Burela”, estreado pola Banda de Burela en 2011.
Este concerto estará dirixido polo director da Banda de Guitiriz, Abel Riveira e contará tamén coa participación de músicos desta banda lucense, coa que xa ten colaborado a Banda de Burela en distintas ocasións. Os músicos da Banda de Burela, Silvia Rozas (frauta) e Bruno Valle (trombón) participarán tamén como solistas nalgúns dos temas deste concerto, ademais dos propios membros que integran Marosa Jazz Project: Roberto Bouça (saxo alto); Israel Arranz (vibráfono); Mario Arranz (baixo) e Eusebio López (batería).
A AABB, Asociación de Amigas e Amigos da Banda de Burela, convida a todos os veciños e veciñas de Burela a este concerto que xa é tradición na nosa vila e co queremos dar a benvida ao ano novo. O sábado, día 4, ás 20:00 horas, Marosa Jazz Project interpretará este repertorio na Casa Habanera de Guitiriz, coa banda desta vila, baixo a dirección de Abel Riveira e coa colaboración neste caso, de músicos da Banda de Burela.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
