Lugo, 3 de xaneiro de 2014.- A Xunta de Galicia, a través da Consellería do Medio Rural e do Mar, distribúe preto de 5,8 millóns de euros entre empresas da provincia de Lugo para promover a transformación e comercialización de produtos agrícolas e forestais.
As axudas, cofinanciadas con fondos europeos Feader, veñen de facerse públicas no día de hoxe mediante a súa publicación no Diario Oficial de Galicia (DOG) e, no mesmo recóllense unhas achegas económicas que ascenden a 5.796.540 euros para o caso de empresas e explotacións radicadas en Lugo.
A delegada territorial da Xunta en Lugo, Raquel Arias, sinalou que “62 empresas lucenses do sector agrícola e forestal se benefician destas axudas” e fixo fincapé en que esta colaboración económica por parte do Executivo galego ten por obxectivo “impulsar a modernización e innovación tecnolóxica dos centros produtivos”.
Neste sentido, boa parte destas achegas entran dentro do Programa de Desenvolvemento Rural (PDR) de Galicia, a través do cal reciben axudas 55 empresas e explotacións de Lugo. Deste ámbito estratéxico, resultan un total de 5,5 millóns de euros das subvencións.
Por outra banda, outras sete firmas do sector forestal lucense (serradoiros, na súa meirande parte) obteñen axudas mediante o Programa de Desenvolvemento Forestal (PDF) de Galicia. En total, as achegas que reciben estas empresas lucenses do sector forestal suman 285.569 euros.
A representante do Goberno autonómico na provincia fixo fincapé en que a través destas liñas de apoio actúase de modo importante “na mellora dun sector estratéxico do tecido socioeconómico da provincia”, colaborando con financiación “para dar un pulo na modernización das instalacións e das liñas de producción das mesmas”.
Así mesmo, cómpre destacar que dende hai unha semana está aberta xa o prazo de presentación das solicitudes da convocatoria de axudas do ano 2014 para promover a transformación e comercialización de produtos agrarios. O prazo de presentación das solicitudes remata o día 27 de xaneiro. Destas axudas está excluído o sector vitivinícola, que conta cunha orde específica, publicada o día 24 de decembro.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
