Un novo proxecto está a poñerse en marcha en Alfoz. Os sábados do vindeiro mes de febreiro vanse celebrar no noso concello as Primeiras Olimpíadas Interparroquiais. Equipos formados por arredor de 10 concursantes por parroquia (aínda que o número pode variar e ser algúns máis ou algúns menos, segundo a xente que queira participar) van competir en catro probas diferentes para dilucidar cal é a parroquia gañadora. Podemos dicir que as nosas Olimpíadas serán moito máis completas que as tradicionais Olimpíadas deportivas, posto que incluirán:
1. CULTURA XERAL. O sábado, día 1 de febreiro, será o tempo das preguntas que demostren o saber dos concursantes; preguntas de varios tipos que marquen quen é o que máis sabe de todo un pouco. As parroquias recibirán puntos en función dos acertos que consigan os seus representantes.
2. FÚTBOL SALA: O deporte tampouco estará ausente das nosas Olimpíadas. Neste caso será o sábado día 8 e será o fútbol sala o que poñerá en forma ós representantes das parroquias participantes. Os equipos con xogadores de cada parroquia enfrontaranse en eliminatorias, obtendo diferentes puntuacións dependendo do lonxe que cheguen nesas eliminatorias.
3. ACTUACIÓNS ARTÍSTICAS: Cada parroquia escollerá a un representante ou a varios que actuarán o sábado día 15 diante dun Xurado esixente, que valorará as súas actuacións seguindo un baremo de puntos. As actuacións poderán ser monólogos, cancións, baile, chistes, etc., é dicir, unha variada manifestacións dos diversos talentos dos participantes.
4. XOGOS POPULARES: Deixamos o día final para a competición máis galega ou popular, pois os representantes das parroquias competirán en xogos tan coñecidos como o tiro da corda, as carreiras de sacos, o lanzamento de pacas de herba, etc. Isto será o sábado 22 de febreiro. Tamén obterán puntos en función das destrezas manifestadas.
Finalizadas as competicións sumaranse todos os puntos obtidos en cada unha delas polos representantes das diversas parroquias e proclamarase solemnemente a parroquia gañadora do ano 2014 no concello de Alfoz. Os membros do equipo gañador recibirán importantes premios e, sobre todo, o prestixio de triunfar nunhas OLIMPÍADAS INTERPARROQUIAIS.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
