O PP segue erre que erre. Os seus agasallos de nadal foron as subas da luz, dos combustibles con esa perla chamada céntimo sanitario, e a conxelación do salario mínimo que no estado español sitúase en 645’30€, mes. Gustaríame ver a calquera dirixente do PP defendendo a súa familia con eses cartos…
E cando aínda estamos dixerindo estes novos proxectís ó poder adquisitivo da maioría social, o PP volta a darlle un novo apertón ós de sempre.
Para o PP non hai outro obxectivo para facer caixa que as clases populares.
Aforradores, emigrantes, enfermos crónicos, asalariados, funcionarios e agora: os autónomos.
Si, esa clase con super-poderes, xa que nunca están enfermos, son a nova peza de caza das inmisericordes escopetas do goberno. Nese réxime está a maioría dos galegos se contamos co sector da agricultura. Traballadores sen dereito ó paro que terán que rascarse máis o peto, mentres comproban como para a grande empresa aplícanse medidas de vantaxes fiscais.
O perfil do autónomo no 2014 xa non é o de hai 20 ou 30 anos. Agora como autónomo hai moitos ex-asalariados que ben tiveron que buscar no autoemprego a única vía de posibilidade laboral ou ben foron obrigados pola súa empresa a facelo para seguir a desempeñar ese mesmo traballo pero sen vinculación directa coa empresa matriz para a que seguen prestando un servizo.
Por exemplo: transportistas, comerciais, instaladores…
En definitiva: o autónomo é un traballador e un pequeno empresario que carga sobre as súas costas todos os gastos que o desempeño do seu oficio lle esixe. Un traballador sen dereito ó paro, porque aínda que hai anos reformárase o seu réxime para poder acollerse ó subsidio de desemprego, na práctica menos do 5% puideron chegar a consumalo polas durísimas condicións establecidas para elo, que o converten nunha utopía.
Hai uns días chegaba á opinión pública un informe de Intermón Oxfan realmente escalofríante que indica que 20 ricos do estado español posúen os ingresos do 20% da poboación. Neste informe incídese na máis que alarmante diferencia de renda, agudizada dende o comezo da crise económica.
Alguén pode pensar que as políticas do PP van mudar esta situación? Ou dito doutro xeito, é coñecedor vostede dalgunha medida do goberno popular que poda reverter o aceleramento das diferencias de clases?
Podo darlle todo o tempo que precise para contestarme, a resposta é ben clara: todo ó contrario.
Se acaso o PP é coñecedor de que os autónomos pola súa propia definición non son un sector moi unido e dese xeito a contestación social pode quedar máis diluída que noutros asuntos cos que se toparon de fociños coa rúa.
Ogallá me equivoque e os autónomos digan firmemente NON, como Gamonal, como os preferentistas, porque desgraciadamente este goberno semella non entender outra linguaxe que o da loita na rúa.
Félix Jorquera
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
