Viveiro acollerá un casting de humor o vindeiro domingo 19 de xaneiro. Trátase dunha proba para participar no programa ‘Máis Retranca’ da Televisión de Galicia que busca persoas de todas as idades ou grupos de ata un máximo de tres compoñentes que fagan rir. A produtora coruñesa Adivina Producciones busca xente que conte chistes, historias con retranca, imite, baile ou cante e faga que os demáis “escachen de risa”. As persoas que reúnan estas características poden contactar coa produtora a través do teléfono 649 827 061 (en horario de oficina) ou do enderezo electrónico maisretranca@adivina.com para explicar brevemente a súa actuación. A inscrición está aberta ata o venres 17 de xaneiro.
Buscan humoristas en Viveiro
Relacionado
-
Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
-
UGT FeSMC Lugo chama á plantilla de Alimerka a participar nunha mobilización este venres 9 de outubro, con dous turnos fóra da xornada laboral (10:30–12:00 e 17:30–19:00)
-
A XXXIX Feira do Mel do Valadouro celebrarase o sábado 10 de outubro, de 10:00 a 19:00 horas, na Praza de Santa María e na rúa Andrés López Palmeiro
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
