O Deputado de Economía do Coñecemento, Emprendedores e Innovación, Alfredo Llano; e o Director de Fondos Europeos da Deputación de Lugo, Pablo Rivera, presentaron este xoves a nova programación dos cursos e obradoiros gratuítos sobre novas tecnoloxías para maiores que se desenvolverán durante o primeiro trimestre do ano no Centro de Innovación Social InLugo. Logo do éxito da anterior convocatoria, na que participaron 160 persoas, ofértanse 312 prazas para as 25 accións formativas que suman un total de 142 horas. Estes cursos están cofinanciados ó 80% con Fondos Europeos e organizados pola Fundación TIC, que se encarga da promoción de actividades dirixidas ó fomento da educación, a investigación e o desenvolvemento das novas tecnoloxías entre os lucenses de todas as idades.
A Deputación organiza esta programación destinada ás persoas maiores especialmente pensada para aumentar a súa autonomía e mellorar as súas capacidades cognitivas e funcionais. Alfredo Llano destacou que esta programación enmárcase no compromiso da Deputación co benestar dos maiores e o emprego das novas tecnoloxías como unha ferramenta para mellorar a súa calidade de vida. O Deputado destacou que os cursos e obradoiros teñen un carácter eminentemente práctico e os asistentes aprenderán a pedir cita no médico ou xestionar a súa propia conta de correo electrónico, Facebook ou Twitter.
Pola súa banda, Pablo Rivera avanzou que estas 25 accións formativas -18 cursos e 7 obradoiros- “melloran a comunicación dos nosos maiores coa sociedade posto que cun maior coñecemento das novas tecnoloxías poden relacionarse a través delas cos seus familiares e amigos de diferentes idades e lugares”. As accións melloran tamén a súa autoestima ó aumentar as súas capacidades e autonomía. O director de Fondos Europeos da Deputación destacou que as actividades realízanse en grupos reducidos para favorecer a aprendizaxe e son breves para facilitar que os participantes poidan apuntarse a varias iniciativas diferentes. O director de Fondos Europeos avanzou que, debido ó éxito de convocatoria destes cursos, proximamente desenvolveranse accións formativas polos Concellos da provincia, facilitando o acceso dos maiores á formación en novas tecnoloxías.
312 prazas gratuítas
Os cursos e obradoiros dispoñibles, que poñen a disposición dos lucenses 312 prazas de xeito totalmente gratuíto, son os seguintes:
– Manéxate coas novas tecnoloxías. Coñece o teu ordenador e a túa tablet. Neste caso están organizadas 6 edicións.
– Obradoiro Mantemos en forma ó cerebro (Estimulación cognitiva con WII). Neste caso programáronse 2 edicións.
– Atréveste con Internet? Axudámosche. Neste caso están programadas 3 edicións.
– Organízate co teu móbil. Nivel I
– Obradoiro Ximnasia mental coa tablet. Neste caso programáronse 2 edicións.
– O carteiro en Internet. Que é o correo electrónico?. Neste caso programáronse 3 edicións.
– Que son as redes sociais? Descubre o Facebook e twitter. Neste caso programáronse 2 edicións.
– Obradoiro Xogamos co corpo. Estimulación funcional con videoconsola Wii.
– Avanza e coñece o que podes facer co teu smartphone. Nivel II
– Obradoiro Xogamos coa mente (estimulación cognitiva co ordenador)
– O inglés e as tecnoloxías. Queres aprender?
– Obradoiro Aprende, comparte e retoca as túas fotografías
– Movémonos e xogamos (estimulación motriz con Kinect-Xbox)
Os cursos darán comezo o vindeiro 13 de xaneiro e continuarán ata finais do mes de marzo. Todas as accións formativas terán lugar nas aulas do INLugo, na rúa Frei Plácido Rei Lemos. Os interesados en participar, poden inscribirse a través da páxina www.deputacionlugo.org, na que atoparán máis información acerca de datas e horarios de celebración. Do mesmo xeito, poden poñerse en contacto no teléfono 982-225-186. Tendo en conta que as prazas son limitadas, as inscricións realizaranse por rigorosa orde de solicitude.
Éxito da anterior convocatoria
Os cursos e obradoiros que organiza a Fundación TIC realízanse dentro das actuacións de promoción da autonomía persoal dos maiores da provincia. Esta actuación está enmarcada no proxecto Innova-TE2, que está cofinanciado nun 80% por fondos europeos.
Na anterior edición dos cursos para maiores participaron 160 persoas que destacaron o acertado enfoque práctico das accións formativas. Moitos deles insistiron en que incluíron nas súas rutinas o aprendido nas sesións, como empregar o correo electrónico, solicitar cita para o médico por internet ou realizar videochamadas para manterse en contacto con amigos e familiares. O servizo de formación do INLugo non só ofrece cursos e obradoiros temáticos senón que contan cun servizo de asesoramento permanente gratuíto para solucionar as dúbidas dos maiores no ámbito das novas tecnoloxías ó que poden acudir en persoa ou poñerse en contacto por Internet ou teléfono.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
