A pesar da choiva que comezaba a caer e do forte vento que azoutou durante toda a xornada a Mariña, as súas maxestades de oriente, Melchor, Gaspar e Baltasar, visitaron na noite do día 5 de xaneiro o concello de Alfoz. Despois do habitual recorrido polas parroquias do concello, estiveron un bo rato no castelo do Castro de Ouro, onde foron recibidos polo Alcalde, que lles entregou un ano máis a chave de Alfoz, e por numerosos veciños, sobre todo pequenos, que mostraron unha gran ilusión coa chegada dos Reis Magos. Melchor, Gaspar e Baltasar repartiron caramelos e agasallos entre os nenos, visitaron o Belén Vivinte que había nas inmediacións do castelo e recibiron as peticións de moitos pequenos para esta noite. Logo as súas maxestades fóronse e os asistentes ó acto puideron degustar un riquísimo chocolate, moi quente e moi azucrado. Todos os actos foron o froito da esforzada organización da Asociación Cultural “O Castelo” e de moitos veciños colaboradores.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
