9 de xaneiro, Lugo.- A asociación de familias de nenos e nenas con autismo Capaces Lugo organiza para o vindeiro mes de febreiro un curso básico de PECS oficial, un sistema de comunicación por intercambio de imaxes que permite ás persoas con autismo iniciarse na comunicación.
Este método de comunicación alternativa e aumentativa, amplamente recoñecido polos especialistas, serve ás persoas con autismo para comezar a se comunicar, interactuando con outras persoas e pedindo o que queren. Consta de varias fases, de xeito que a aprendizaxe da persoa vai mellorando ata poder expresar o que ve ou o que sinte en frases sinxelas.
Esta formación vai dirixida a familiares de persoas con trastorno do espectro do autismo, así como a profesores, logopedas e outros terapeutas que traballan con este colectivo. Unha vez aprendido o método, cada persoa pode crear os seus propios materiais de traballo, de xeito que é un sistema de comunicación económico e adaptable ás necesidades de cada persoa.
O curso, que conta co apoio da Universidade de Santiago, terá lugar os días 1 e 2 de febreiro en horario de mañá e tarde no Instituo de Biodiversidade Agraria e Desenvolvemento Rural (IBADER), no Campus de Lugo. Terá un custo de 200€ para os socios de Capaces Lugo e para os estudantes da USC, e de 250€ para o resto do público. O prazo de inscrición remata o 17 de xaneiro.
Mais información e inscricións na web capaceslugo.blogspot.com.es, escribindo un correo a capaceslugo@gmail.com ou chamando ao 626 21 39 90.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
