O Burela FS Pescados Rubén renova ilusión e ganas para afrontar a segunda volta de Primeira RFEF con forza. O segundo acto da elite arrincará para as laranxas na sempre resistente pista do Soto del Real (sábado 1, 18.00 horas).
O cadro da Mariña medirase a un rival que ocupa a antepenúltima praza da clasificación (14 puntos), un rival acostumado a manexarse sen inculcarse ansiedade pola necesidade dos puntos. “Soto saber vivir nesa situación e na súa casa tamén sabe reaccionar para intentar rabuñar os máximos puntos posibles” advertía o adestrador Quico Otero. “Imos coa mentalidade de que o partido nos sirva para intentar levantar os ánimos; queda moita liga por diante e temos que competir ata o final“ explicaba o técnico laranxa, tras o resultado adverso (5-2) da pasada xornada, que deixou sensacións das que a escuadra burelista quere fuxir: “En Alcorcón foi o único partido no que non competimos en toda a primeira volta; o equipo sentiuse inferior, sobre todo na segunda parte e iso non pode volver pasar. Debemos encarar todos os encontros sendo conscientes das nosas posibilidades e sen deixarnos condicionar antes de tempo” reflexionaba con rigor o preparador laranxa.
“A nós fannos falta os tres puntos para seguir na pelexa con Navalcarnero e Alcorcón. Deberemos ter paciencia no ataque estático e moito coidado nas perdas de balón, que nos obrigarán a facer repregamentos moi rápidos” adiantaba Quico Otero.
No alto da táboa, o Navalcarnero (41 puntos) visitará o Gironella FS, sexto (23 puntos), e o Ciudad de Alcorcón, empatado a 37 puntos co Burela FS, terá unha tarefa a priori máis doada, recibindo o pechacancelas, AE Vallirana.
A expedición mariñá porá rumbo ao destino da décimo sexta xornada hoxe ás 15.00 horas, con Maite e Bea Mateos entre algodóns. Nas filas sotorrealeñas, Pitu e Helen xa regresaron ao adestramento tras senllas intervencións de xeonllo, aínda que non é probable a súa participación nesta xornada, segundo o club madrileño.
No encontro inaugural da tempada, o marcador quedou en táboas (1-1).
*FOTO: A Caixa Escura Producións
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
