Cervo, 28 de xaneiro de 2014.- A delegada territorial da Xunta, Raquel Arias, explicou que a Consellería de Economía e Industria prestará asesoramento individual a emprendedores da Mariña no proceso de elaboración e posta en marcha dos seus plans de negocio.
Nesta iniciativa poden participar un máximo de 40 persoas, dúas por cada proxecto empresarial que se inscriba na acción formativa programada polo Instituto Galego de Promoción Económica (Igape) para o mes de febreiro na escola obradoiro de Cervo.
Este seminario dividirase en sesións informativas e titorías personalizadas, nas que se analizará a viabilidade de cada proxecto que se presente. Está destinado tanto a persoas con vocación emprendedora que teñan un proxecto de negocio, como a empresarios ou autónomos con menos de 42 meses de actividade que desexen avaliar, reorientar ou consolidar o plan de negocio da súa empresa.
O programa inclúe información sobre diferentes modelos de negocio, fiscalidade, trámites de constitución e fontes de financiamento, así como formación específica sobre a elaboración dos plans de negocio e o plan económico e financeiro. Nas sesións personalizadas os promotores poderán consultar cos titores cuestións relativas ao seu proxecto e analizar a viabilidade do seu plan de negocio.
Raquel Arias sinalou que estas titoriais “forman parte do novo impulso que está a dar a Xunta ao emprendemento, no marco da posta en marcha da Lei do Emprendemento e da activación da Unidade Galicia Emprende”.
A delegada incidiu en que “a Xunta de Galicia apoia aos emprendedores nos dous aspectos fundamentais para cimentar un proxecto empresarial: o asesoramento e a axuda económica”. Ao respecto, afirmou que “a acción coordinada dos distintos departamentos da Xunta, principalmente os de Traballo e Industria, está a dar un pulo ao emprendemento na Mariña”.
Así, lembrou que nos últimos meses 60 emprendedores da comarca recibiron subvencións da Consellería de Traballo e Benestar para o establecemento como traballador autónomo por importe global de 483.000 euros.
Igualmente, indicou que a Consellería de Economía e Industria arranca o ano poñendo a disposición das Pemes 45 millóns de euros en programas de axudas, destinados a apoiar os grandes investimentos empresariais, a creación de emprego e a posta en marcha de novas empresas, así como a consolidar e mellorar a competitividade das xa existentes e impulsar a súa internacionalización.
Con respecto ao asesoramento para poñer en marcha un negocio, Arias destacou o labor que realizan os axentes de emprego e desenvolvemento local, financiados pola Consellería de Traballo e Benestar e que prestan servizo nos concellos, fomentando novas actividades xeradores de emprego de ámbito local.
Así mesmo, asegurou que a consellería de Industria, tanto a través do Igape como da Axencia Galega de Innovación, “realiza un esforzo para chegar a todas as comarcas e facilitarlles aos empresarios interesados coñecementos concretos e útiles, aplicados ao seu proxecto particular”.
Neste sentido, lembrou que a semana pasada deu comezo outro programa do Igape polo que 24 titulados universitarios traballarán durante un ano en Pemes galegas, colaborando na implantación de proxectos de mellora que axuden a expandir e incrementar a competitividade do proxecto empresarial.
Os interesados en participar no seminario para emprendedores de Cervo poden atopar información e inscribirse a través da páxina web do Igape, nas oficinas deste organismo, ou ben a través dos axentes de emprego e desenvolvemento local.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
