Foz, 14 de xaneiro de 2014. O alcalde de Foz, Javier Jorge Castiñeira, participou na presentación da XI edición da Festa do Berberecho celebrada este martes na praza de abastos de Lugo por iniciativa da Deputación Provincial. O rexedor municipal destacou que moitos lucenses teñen a súa segunda residencia na vila focense e que ambas as dúas localidades cada vez están máis preto grazas á mellora das vías de comunicación.
“Dende o Concello de Foz queremos agradecerlle á Deputación de Lugo ter feito este acto de promoción da décimo primeira Festa do Berberecho de Foz. Para nós é un pracer estar aquí en Lugo, nunha cidade amiga, pois todos sabemos que moitos veciños de Lugo teñen a súa segunda residencia na Mariña, concretamente en Foz. E cada vez estamos máis cerca, a menos dunha hora, e cos últimos tramos da A-8 estaremos a 40 minutos”, manifestou o Javier Castiñeira.
O alcalde focense engadiu que “viñemos a promover a festa do chícaro de Foz pois queremos que todos os lucenses estean invitados xa que Lugo é un sitio onde saben degustar o bo produto. Nesta praza de abastos puidemos apreciar que moitos dos produtos da Mariña se venden aquí cunha gran frescura”.
Castiñeira felicitou “aos que levaron este evento de promoción á praza de abastos de Santo Domingo, que estaba moi concorrida e onde puidemos promover esta festa dunha forma moi importante. Queremos agradecer tamén ao restaurante España, que fixo unha pequena degustación de berberechos, que estaban exquisitos”.
O rexedor municipal focense convidou a todos a participar esta fin de semana, dende o venres 17 ata o domingo 19, na Festa do Berberecho “polos locais de hostalería de Foz e na carpa, onde se poderán degustar catro variedades de pratos con berberecho: en empanada, ao vapor, en salsa mariñeira e a innovación para este ano é a combinación de dous produtos da Mariña como son o chícaro ou berberecho e a faba de Lourenzá, que é o prato estrela. Esperamos que guste”.
Javier Castiñeira rematou agradecendo “a todas aquelas administracións que colaboran coa Festa do Berberecho, entre elas a Deputación de Lugo, que foi a promotora desta presentación”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
