Barreiros, 22 de xaneiro de 2014. O BNG de Barreiros solicitará no pleno do vindeiro luns que o Santo Estevo do Ermo sexa recoñecido como espazo natural protexido, dacordo coa regulación contemplada na Lei de conservación da natureza.
Para o BNG “o Santo Estevo é un dos espazos naturais mais fermosos do noso concello onde é de destacar a flora e fauna autóctonas que conforman a fraga alí existente; o regato que por alí discorre; a capela do mesmo nome; a espectacular fervenza coñecida como o Revertedoiro; as numerosas fontes como a Fonte da Rosa, presumiblemente lugar de culto celta; a Fonte do Ferro da que mana auga ferruxinosa e con propiedades curativas; os muiños situados ao longo do río e tamén a singular configuración xeomorfolóxica do enclave que incluso ten inspirado certa lenda xacobea que aínda pervive mantida ata hoxe pola tradición oral.”
Segundo os nacionalistas “Barreiros ten moitísimas posibilidades de ter unha promoción turística variada e dirixida a distintos públicos aproveitando os recursos naturais como o Santo Estevo ou o río Masma e tamén a zona interior do concello, onde debe promocionarse un desenvolvemento sostible e non impedir o seu desenvolvemento como se reflicte nos documentos iniciais do PXOM presentados polo goberno municipal do PP.”
O BNG continúa así coa súa histórica demanda de protección para o espazo do Santo Estevo do Ermo, para o que xa en maio do 2000 solicitaran esta protección tanto no concello coma, en setembro dese ano, no Parlamento de Galiza, onde fora rexeitada polo Partido Popular.
Nesta ocasión os nacionalistas insistirán en reclamar da Consellaría de Medio Ambiente, Territorio e Infrestruturas que se declare o espazo do Santo Estevo do Ermo como espazo natural protexido para garantir a súa protección e abrir as posibilidades de inversións para a súa promoción e, por extensión, a de Barreiros.
“Estas peticións van dirixidas a que se produza un cambio na política turística e promocional do municipio, xa que Barreiros é un concello con moitas posibilidades de desenvolvemento se se fai unha política urbanística ordenada e se aproveitan os recursos existentes”, afirman desde o BNG.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
