O Burela Pescados Rubén regresa de vacío da súa visita a Santo Domingo onde caeu derrotado (5-2) polo Alcorcón nun choque de máxima intensidade. Este triunfo permite ao conxunto madrileño manterse na carreira polo título no que, finalizada a primeira volta, o Atlético de Madrid (41 puntos) ten vantaxe de catro puntos sobre as burelesas e alfareras.
O encontro comezou co Alcorcón coas revolucións ao máximo, sorprendendo a un Burela que aos cinco minutos víase cun desfavorable 2-0, minuto cinco de xogo. Aos poucos, as mariñanas lograron pillar o ritmo que esixía o choque e cun gol de Daniela recortaron diferenzas, 2-1 no minuto dez. A escuadra local pagou a súa alta intensidade co bono de faltas cando aínda restaba moito para o descanso pero o Burela non foi capaz de materializar as cinco oportunidades que se lle presentaron desde o dobrepenalti. Malia iso, a escuadra laranxa conseguiu equilibrar o marcador (2-2) por mediación de Lidia no minuto 18, neutralizando o arranque fulgurante alfarero.
O golpe que danou a liña de flotación laranxa chegou xusto antes do descanso cando Vadillo, nunha xogada clásica de pivot, virouse e bateu a Jozi establecendo o 3-2 co que se chegou ao tempo de asueto. Na segunda parte, as madrileñas asestaron un novo golpe co 4-2, logrado por Desi no minuto 25. O Burela Pescados Rubén comezou a desdibuxarse ante un Alcorcón que manexou ben a súa renda e no último suspirou completou a súa vitoria co 5-2, obra nuevamente de Vadillo.
Ficha técnica
AD Alcorcón FSF: Eva, Vadillo, Desiree, Vadillo, Natalia, Leire –cinco inicial- Miriam, Andrea, Sandra, Lorena, Paloma, Lara.
Burela Pescados Rubén: Jozi, Lidia, Peque, Maite, Bea Mateos –cinco inicial- Lara, Claudia, Daniela.
Goles: 1-0, m.3, Desiree; 2-0, m.5, Lara; 2-1, m.10, Daniela; 2-2, m.18, Lidia; 3-2, m.20, Vadillo; 4-2, m.25, Desiree; 5-2, m.40, Vadillo.
Árbitros: Javier Díaz, Ángel Gómez. Madrid. Cartón amarelo a Lara, Andrea e Desiree no Alcorcón. No Burela expulsou a Maite, dobre amarelo, e a Marcelo Santoro (auxiliar). Tamén viron cartón amarelo Jozi, Lara e Bea Mateos.
Incidencias: Partido correspondente á xornada 15 de Primeira División, disputado no pavillón de Santo Domingo de Alcorcón. 500 espectadores.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
