Lugo, 07 de xaneiro de 2013.- O Grupo Provincial do Partido Popular preguntou onde estaba a Deputación lucense cando durante a última lexislatura do PSOE a suba da luz superaba o 63,5%. Os populares cren que daquela os actuais responsables do bipartito provincial permanecían mudos e inmóbiles ante un tarifazo que é consecuencia da mala xestión do PSOE no ámbito eléctrico.
Desde o Grupo Provincial Popular son partidarios de calquera medida que contribúa a compensar os efectos da factura eléctrica pero observan un evidente oportunismo por parte da Deputación á hora de anunciar agora medidas que xa eran preciso impulsar fai anos, con máis motivos, cando co PSOE no Goberno o recibo da luz multiplicábase e subia máis dun 60%, asfixiando a fogares, empresas e administracións.
Os populares lucenses lamentan a dobre vara de medir da administración que dirixe Besteiro que tan só parece ocuparse dos problemas dos lucenses cando lle interesa politicamente, pero que é incapaz de facelo, cando se trata de xulgar, compensar ou enfrontarse ás consecuencias da desastrosa xestións do seu propio partido.
Con datos na man, desde o GPP lembran que co PSOE no Goberno central ano tras ano seguiu subindo a luz: un 8,9% en 2008; un 7,66, en 2009; un 9,6%, en 2010 e un 11,3% en 2011. Só desde xullo de 2007, o recibo sumou un encarecemento un 63,5%. O maior tarifazo tivo lugar en xaneiro de 2011 cun alza histórica do 9,8%, o que supuxo 3,2 euros ao mes.
Pola contra a intervención do actual Goberno popular evitou que este mes de xaneiro a tarifa da luz subira un máis dun 11%, como as eléctricas pretendían nun principio, limitándoo a un incremento do 2,3%, moi inferior. Os populares tamén teñen anunciando unha reforma do actual sistema de fixación de prezos (subastas) e continúan coas medidas de control do déficit de tarifa.
Desde o Grupo Popular Provincial lembran que o actual Goberno herdou do PSOE un déficit de tarifa de 24.000 millóns de euros, cifra que multiplicaron por 17 durante a lexislatura socialista, que lastra non só calquera intento de reducir o prezo da factura senón incluso puxo en perigo a viabilidade de proxectos industriais da importancia de Alcoa, a principal empresa da provincia de Lugo, situación que se puido corrixir tras a intervención coordinada da Xunta e do Goberno central.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
