Dende o PSdeG-PSOE de Burela queremos facer pública a nosa perplexidade ante as aparicións do alcalde de Burela, Sr. Barcia, na feira de turismo Fitur. Fala o Sr. Barcia de que Burela ten que ter máis presenza en Fitur, e que Burela ten que facer unha forte aposta polo turismo, co que o PSdeG-PSOE de Burela está totalmente de acordo xa que entendemos que é un dos posibles motores económicos e de emprego do noso pobo, que dende logo ten moito por explotar e por corrixir.
A nosa perplexidade deriva de como o Sr. Barcia pretende vender esa aposta polo turismo en Madrid, e en cambio non fai falla máis que darse unha volta polo pobo para poder ver que o único que vende o Sr. Barcia é fume. ¿Como pode o Sr. Barcia ter a caradura política de vender unha aposta polo turismo cando foi capaz de manter pechada a Oficina de Turismo nos meses de verán?, ¿como pode o Sr. Barcia vender esa aposta polo turismo e manter pechado o Barco Museo?, ¿como pode ser que o Sr. Barcia nos queira vender esa aposta polo turismo e ter o pobo no estado de abandono en que o ten?. ¿É esta a aposta á que se refire o Sr. Barcia?, nós entendemos que para que os turistas veñan e se podan sentir a gusto e cómodos no noso pobo estas cousas non poden acontecer.
Dende o PSdeG-PSOE de Burela xa non esperamos nada dun equipo de “desgoberno” que está á deriva e que mira máis de beneficiarse dos cargos do Concello en beneficio propio que en traballar polo beneficio de todos os veciños e veciñas de Burela.
Esperamos que o paseo do Sr. Barcia por Madrid sirva para algo máis que facer unha visita familiar á capital á conta de todos os veciños e veciñas de Burela; pero temos serias dúbidas que o custo dese viaxe, que pagamos todos os veciños e veciñas de Burela, a Madrid teña algún resultado positivo para Burela.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
