Foz, 28 de xaneiro de 2014. O desfile do Entroido de Foz, que se celebrará o sábado 1 de marzo, repartirá máis de 6.000 euros en premios, dos que tres son novos nesta edición. Anunciouno hoxe o concelleiro de Cultura, Ánxel Paleo, que tamén deu a coñecer que a raíña do festexo será coroada nunha cea baile que terá lugar no pavillón do colexio Martínez Otero o día 15 de febreiro.
“Achégase un día dos máis importantes do ano para todos os focenses, ese é o día do desfile de Carnaval. Xa se fixo a elección da raíña do Antroido 2014, que é Sara Fernández Arias, de 21 anos; e as súas damas son Nara López Teijeiro, de 20 anos, e Sara Iglesias Martínez, de 21 anos. A coroación da raíña farase o sábado día 15 de febreiro nunha cea baile que será no pavillón do colexio Martínez Otero ás dez da noite. O menú será sopa de cocido, cocido, carne a maragata, postre e viños tinto e branco. E amenizando a cea estará o dúo Ciclón, da Coruña. O prezo da tarxeta é o mesmo que o do ano pasado: 23 euros. Pódense reservar ou retirar na Delegación de Cultura do Concello ou chamando á técnica de Cultura ao 982.140.027 ata o día 11 de febreiro”, explicou Ánxel Paleo, quen tamén comentou que “dende a organización agradecemos que toda a xente que asista á cea veña disfrazada”.
Sobre o desfile de Antroido o concelleiro de Cultura en Foz engadiu que “este ano repártense máis de 6.000 euros en premios e, como cada ano a participación de charangas, comparsas e grupos é maior, decidiuse poñer tres novos premios: un cuarto premio, de 200 euros, para comparsas; un terceiro, de 150 euros, para charangas; e un cuarto premio, de 100 euros, para grupos”.
Ánxel Paleo tamén destacou que “todo isto fai que os desfile de Foz non sexa convencional, no que se ve pasar os disfraces e nada máis, senón que todos estes grupos escenifican e actúan segundo do que van disfrazados. Isto leva consigo moitas horas de traballo e ensaios, que fan que o Antroido de Foz sexa o mellor da Mariña e un dos mellores de Galicia. Todos aqueles que queiran participar no desfile poderanse inscribir ata o venres 28 de febreiro na dirección de correo electrónico cultura@concellodefoz.es ou na Delegación de Cultura, que está no Concello. Tamén o poden facer o mesmo día, o sábado 1 de marzo, dende ás 12 do mediodía ata as catro da tarde no porto”.
O edil de Cultura focense rematou invitando “a todos a que se acheguen a Foz a pasar o día e a gozar do noso desfile de Carnaval, o sábado 1 de marzo dende ás 5 da tarde, cando será a saída desde o porto e acabará no Campo da Cabana, onde se servirá unha chocolatada para todos os participantes”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
