O domingo pasado a familia laranxa abriu de novo a súa prezada vitrina para depositar un recoñecemento moi especial. A Real Federación Española, a través do presidente do Comité Nacional de Fútbol Sala, Antonio Escribano, quixo loar a implicación e dedicación de José Luis Sáez, vicepresidente do CD Burela FS Pescados Rubén e vogal do Comité Galego de Fútbol Sala, con este deporte outorgándolle o Trofeo Fair Play do CNFS coincidindo co desenlace do Campionato de España de Seleccións Territoriais de Fútbol Sala Feminino Sub-17 en Burela (22-26 de xaneiro).
O vicepresidente da entidade burelista recibiu con emoción a devandita distinción de mans do presidente do Subcomité de Campionatos de España da RFEF, Gonzalo de Azkárate-Gaztelu y Suárez. “Este é un recoñecemento á traxectoria do club, á súa aposta pola deportividade e pola organización de eventos deportivos a nivel nacional. É un premio que debo a todos os profesionais desta gran familia que día tras día fan posible que a ilusión e o espectáculo do mellor fútbol sala de España asolague a comarca da Mariña cada fin de semana” explicaba José Luis Sáez.
FOTO: (De esquerda a dereita) Rubén Blanco, fundador de Pescados Rubén SL; Gonzalo de Azkárate Gaztelu, presidente do Subcomité de Campionatos de España; José María González Barcia, alcalde de Burela; José Luis Sáez, vicepresidente do CD Burela FS Pescados Rubén; Antonio Escribano, presidente do CNFS; Manuel Otero, xefe de Deportes da Xunta de Galicia en Lugo; Manuel Fernández, tenente de alcalde de Burela; Manuel Blanco, presidente do CD Burela FS Pescados Rubén; Luciano Herrero, presidente do CNFS da Federación de Murcia.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
