Chega á terceira xornada das Olimpíadas Interparroquiais de Alfoz o vindeiro sábado 15 de febreiro. Será a dedicada ás actuacións artísticas que terán lugar no Salón de Actos da Casa da Cultura de Alfoz a partir das 19.00 horas.
Os participantes por parroquias serán:
LAGOA: MONÓLOGO. O actor Alberto Sánchez, do grupo teatral Raiolas, ofrecerá un monólogo de tema segredo.
MOR: CHISTES. Luís de Rubal, veciño da parroquia, da familia propietaria do Serradoiro Hijos de Ramón Rubal, contaranos unha serie de chistes, a cal máis gracioso.
BACOI: CANCIÓN. A cantante Almudena Cuadrado representará a Bacoi interpretando varias cancións do seu repertorio.
ADELÁN: BAILE. As bailarinas Olaya Pedrosa e Lara Álvarez, alumnas da Escola de Baile Gold Dance, bailarannos algunhas pezas.
TERRAS ALTAS (OIRAS E PEREIRO): GAITA. O coñecido gaiteiro do Pereiro “Pego” tocaranos a súa gaita e alegrará a festa cos seus sons.
CARBALLIDO: MONÓLOGO. O actor José Juan Geada “Xaque”, do Grupo Teatral Raiolas, fará un monólogo de tema aínda por determinar.
REIRADO: TEATRO. José Ramón Sixto e as súas fillas Laura Sixto e Rocío Sixto porán en escena unha selección de escenas da obra “Ladronzuelos no Belén”, do Grupo de Teatro da Confraría “Cristo Xacente e Virxe das Dores”.
O CASTRO: CANCIÓN. A cantante Adela Díaz interpretaranos varios temas do seu repertorio coa súa estupenda voz.
O xurado que valorará estas probas estará formado, entre outros, por Noé Recalde (Grupo de Teatro de Lourenzá), Jorge Olivera (Músico), Paco Piñeiro (Director de diversos grupos de teatro da Mariña), Paz Rodríguez (Directora do Grupo de Teatro Ardora, de San Cibrao), Ramón Ares (actor dos grupos Adala de Fazouro e Ollomao de San Miguel) e Marco Uría (profesor de baile na Asociación Cultural Amado Lar do Valadouro).
O gañador nesta proba artística obterá 200 puntos para a súa parroquia. O segundo, 175 puntos; o terceiro, 150 puntos; o cuarto, 125 puntos; o quinto, 100 puntos; o sexto, 75 puntos; o sétimo, 50 puntos, e o oitavo, 25 puntos.
A organización convida a todos a achegarse a Alfoz o sábado 15, para presenciar estas actuacións que tamén contarán coa visita da TVG para gravar o evento.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
