Bo partido o disputado no municipal de Viveiro na mañá do domingo no que era o comezo da segunda volta da liga galega cadete feminina, ante un rival que na primeira xornada da liga había goleado as vivairenses por 7 – 2.
As locais amosaron a evolución positiva que están levando nesta liga e que partido tras partido lles fai ser mais competitivas.
O partido foi moi aberto e as locais tiveron boas oportunidades para adiantarse no marcador, pero unhas veces a falla de definición e outras o acerto da porteira visitante, fixo que isto non fora posible. Mentres, as chairegas aproveitaron un erro na saída de presión das locais para adiantarse no marcador e pouco antes do descanso colocaban o 0-2.
Na segunda metade o Viveiro adiantou a súa liña de presión e chegaba con facilidade diante da porteira do Guitiriz, que foi a figura das visitantes nesta segunda metade. Pola contra, o Guitiriz buscaba un xogo directo coa súa pivot como única forma de saír da presión local e gañar as espaldas a defensa das viveirenses, creando algunha que outra ocasión de perigo ben atallado, tanto por Iria como por Nerea, as porteiras locais que se turnaron na meta viveirense.
Pese á derrota final por 0-2 non fai xustiza ao visto sobre o parquet do municipal de Viveiro. Aínda así as locais forónse do partido cun bo sabor de boca e sendo conscientes da melloría que xornada a xornada van amosando diante de rivais moito máis experimentados.
Ficha técnica
Viveiro FSF: Nerea, Rosanna, Nuria, Ana y Anna. Tamén xogaron: Iria, Bea, Lourdes, Patricia, Mirian e Fátima
Guitiriz: Sandra, Noemi (1), María Vidal, María Calvo e Margarita. Tamén xogaron: Noa, Aida, Andrea e Laura.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
