Santiago, 05 de febreiro de 2014.- O deputado do Grupo Popular, Jose Manuel Balseiro, considera que a iniciativa do BNG sobre o arranxo da estrada LU-124 “xa non ten sentido e chega tarde” agora que xa existe “un compromiso firme” do conselleiro de Medio Ambiente, Territorio e Infraestruturas, Agustín Hernández, para executar, dentro deste ano en curso, as obras de acondicionamento e mellora do firme desta estrada, no tramo que une Mondoñedo coa A-8 en Lindín.
Os populares consideran que os nacionalistas pretenden “subirse a carro” e “saír na foto” da reclamación destas obras de arranxo, a sabendas de que xa están comprometidas tanto polo Ministerio de Fomento como pola Xunta, e o fan agora “de xeito extemporáneo” por “oportunismo político” e coa única finalidade de “deslucir o avance que supón para o conxunto da comarca a culminación da autovía do Cantábrico.
“Proba do nulo interese que o BNG tiña nesta obra é que rexistraron a súa iniciativa parlamentaria en maio de 2013, pero non a incluíron para o seu debate en Comisión ata agora, oito meses despois, coincidindo coa inauguración da autovía e sólo por intentar apuntarse o tanto”.
O PP APOIA O PROGRAMA DE ACTUACIÓNS
Balseiro considera que os nacionalistas terán moi complicado enganar aos veciños “porque teñen memoria” e son plenamente conscientes de que a pesar de herdaron un proxecto construtivo xa redactado, na época de goberno de Manuel Fraga, durante a época do bipartito non se fixo nada nesta estrada (a excepción dunha pequena reposición de beirarrúas na Avenida Buenos Aires de Mondoñedo)
Pola contra as xestións dos populares e os compromisos adquiridos polas administracións nas que teñen responsabilidade de goberno, permiten coñecer un programa de actuacións concreto, dirixido á mellora desta estrada autonómica.
Balseiro explicou que o aspecto actual que presenta o tramo ao seu paso por Mondoñedo da LU-124 é consecuencia directa da intensidade de circulación de vehículos pesados que traballaron na construción da autovía A-8. Tamén indicou que tanto para corrixir esta situación como dar solución ao problema das escorrentas o Ministerio de Fomento xa orzamentou e contratou estas actuacións e a propia mellora do enlace coa nova autovía.
O deputado aclara que será despois de rematadas as obras de Fomento cando a Xunta de Galicia acometa con carácter de urxencia e dentro do ano en curso a execución dun proxecto de rehabilitación do firme da LU-124 no treito, Mondoñedo-Lindín e inmediatamente despois, cando execute a mellorara integral estrada autonómica.
Os populares rexistrarán unha emenda á iniciativa do BNG na que se recolle esta programación dos traballos e anuncian que, no caso de que os nacionalistas non acepten esta proposta, será o Grupo Popular quen someta á aprobación do Parlamento a súa propia iniciativa.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
