Begasa mobilizou máis de 100 traballadores para reparar o subministro eléctrico na Mariña

Como consecuencia da cicloxénese explosiva Ulla, que comenzou na madrugada deste venres, o forte e intenso temporal de vento, con rachas de máis de 160 quilómetros por hora segundo Meteogalicia, produciu unha incidencia na rede de alta tensión (132 kV), que afectou dende as 12.30 horas ata as 14:55 horas a un total de 54.000 clientes de diversos municipios de A Mariña lucense.

Desde o primeiro momento traballouse intensamente para reparar as liñas. Begasa mobilizou máis de 100 persoas, que están traballando dende o inicio da avería para solucionala o antes posible, tanto nos traballos relacionados coas reparacións e retirada de árbores, coma no centro de control, dando subministro por vías alternativas.

Estivemos coordinados cos distintos corpos de emerxencia, que actuaron correctamente xunto aos nosos técnicos. Queremos agradecerlles a súa valiosa colaboración e excelente traballo.

Nestes momentos a rede de alta tensión ten subministro, aínda que actualmente se atopan sen servicio algunhas liñas de media tensión que afectan a 4.300 clientes.

Aínda que Begasa non es responsable da avería, provocada por factores meteorolóxicos, a compañía pide disculpas por todas as molestias que puidera causar aos seus clientes.