Burela, 28 de febreiro de 2014. Cervo e Burela acollerán do 1 ao 4 de maio o XXII Congreso Anual de Periodipesca. Os dous alcaldes, Alfonso Villares e José Mª González Barcia, reuníronse esta mañá con membros da directiva deste colectivo para avanzar na organización do evento, que servirá para dar a coñecer os recursos turísticos de ambos municipios.
O rexedor burelés explicou que “hoxe pola mañá tivemos unha reunión aquí no Concello os alcaldes de Cervo e de Burela con membros da directiva de Periodipesca co fin de organizar desde os nosos Concellos o vixésimo segundo congreso Periodipesca 2014. Trátase dun evento de periodistas especializados en temas de caza, pesca, medio ambiente e de turismo rural e de aventura, que congrega tanto a periodistas de España como de Portugal. É un congreso ao que acoden xornalistas, escritores, reporteiros, columnistas e recoñecidos expertos nestas materias”.
González Barcia indicou que “a intención que temos os dous alcaldes é promocionar os nosos concellos, Cervo e Burela, en base á organización dun congreso de prensa especializada en materia medio ambiental, turística e de pesca. Os primeiros contactos fixéronse na edición de Fitur do presente ano en Madrid. Alí contactamos con representantes de Periodipesca que estaban interesados en que o seu congreso anual puidese celebrarse neste 2014 entre os concellos de Cervo e Burela”.
Os dous alcaldes sinalaron que “hai uns días tivemos unha reunión preparatoria no Concello de Cervo e na reunión de hoxe demos un paso adiante á hora de organizar este evento. En principio tería lugar do 1 ao 4 de maio e ao longo deses días habería distintas actividades dirixidas aos asistentes tanto nun concello coma no outro. Se está a barallar unha visita a Sargadelos e tamén visitas en Burela como a asistencia a unha poxa de peixe a primeira hora da mañá, entre outras posibilidades”.
Alfonso Villares subliñou que “se trata dun evento internacional que terá unha grande transcendencia mediática. Será moi importante para dar a coñecer os nosos concellos e repercutirá na economía local, tanto na hostalería coma no comercio”.
José Mª González Barcia dixo que “o número de periodistas que poden estar en Cervo e en Burela durante eses días é duns 50. Nós entendemos que pode ser unha boa fórmula para divulgar as capacidades turísticas que temos tanto un concello coma o outro a través de periodistas especializados e que sen dúbida ningunha van reflectir nos seus medios informativos as virtudes e os recursos que temos Burela e Cervo”.
Nas vindeiras semanas haberá unha terceira e última xuntanza para concretar de forma definitiva cal será o programa das actividades e dos distintos actos que se ofrecerán aos asistentes ao congreso anual de Periodipesca, que está previsto que se celebre en Cervo e en Burela a principios do vindeiro mes de maio.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
