Abadín (Lugo), 3 de febreiro de 2014.- O presidente da Xunta, Alberto Núñez Feijóo, asegurou este luns que a Autovía do Cantábrico é unha porta que abre Galicia a España e a Europa, e destacou que esta infraestrutura multiplica a competitividade da Comunidade no novo escenario económico. Así o dixo o titular do Goberno autonómico durante o acto de posta en servizo dos dous últimos tramos pendentes da A-8 en Galicia -Mondoñedo-Lindín e Lindín-Careira-, que presidiu acompañado da ministra de Fomento, Ana Pastor, e do conselleiro de Medio Ambiente, Territorio e Infraestruturas, Agustín Hernández, no que cualificou como “un día histórico para Galicia, para a cornixa Cantábrica e para España”.
Na súa intervención, o mandatario autonómico subliñou que esta infraestrutura, cun investimento estatal de 720 millóns de euros e un trazado galego de 86,8 quilómetros, é “un eixe vertebrador” de Galicia consigo mesma, de Galicia co norte da Península Ibérica e de Galicia co resto do vello continente a través do sur de Francia.
Feijóo incidiu no carácter estratéxico da vía, con especial incidencia no tráfico de mercadorías, e puxo como exemplo que un transportista que realice a ruta entre a zona de Santiago e Bilbao poderá aforrar preto de 100 quilómetros, 27 euros de peaxes e uns 20 minutos de tempo en relación coa viaxe por Burgos e a Meseta.
Ademais, o titular da Xunta referiuse á mellora que a Autovía do Cantábrico supón para a seguridade e para as prestacións dos condutores en xeral, e destacou que na viaxe entre Santiago e Ribadeo se aforrará media hora e entre Santiago e San Sebastián, polo menos, dúas horas.
Un reto para a enxeñaría
En relación cos dous treitos inaugurados hoxe, Feijóo remarcou que se trata de algo máis de 16 novos quilómetros de vías de altas prestacións en Galicia que contribúen á cohesión territorial da provincia de Lugo, “especialmente nunha zona con déficits de infraestruturas viarias”.
Salientou que a súa execución supuxo “un auténtico desafío de enxeñaría”, que acaparou o 27% do orzamento do total da vía, con 192 millóns de euros e obrigou á construción de 5 viadutos. O resultado permitirá, dixo, despexar das estradas convencionais un total de 8.000 vehículos ao día, aforrar 10 minutos no traxecto entre Mondoñedo e Careira e realizar un percorrido moito máis seguro e cómodo.
O presidente autonómico afirmou que Galicia é hoxe “unha Comunidade moito mellor comunicada internamente”, que dispón, coa entrada en servizo destes dous tramos, de 1.316 quilómetros de vías de altas prestacións. A ese respecto, puxo en valor o avance rexistrado nos últimos anos, posto que en 2008 as vías de altas prestacións de titularidade autonómica non chegaban aos 313 quilómetros e na actualidade dispoñemos de preto de 450 quilómetros, é dicir, un incremento do 40% en plena crise económica.
“E imos, a pesar das dificultades, seguir investindo: adecuando a estrada entre Moncelos e Abadín, poñendo en servizo a estrada entre Becerreá e Navia e inaugurando a primeira parte do corredor entre Monforte e Sarria, corredor que temos que finalizar nesta lexislatura, conforme ao previsto”, aseverou Feijóo.
Galicia, mellor conectada co exterior
Segundo dixo, a conclusión da Autovía do Cantábrico é un paso decisivo para a mellora das comunicacións externas, ao tempo que se trata dunha mostra máis do compromiso e da determinación do Goberno de España con solucionar definitivamente o atraso e o illamento desta terra en relación coas súas infraestruturas de comunicación.
Como probas dese compromiso, Alberto Núñez Feijóo apuntou o feito de que Galicia sexa este ano a segunda Autonomía con maior investimento do Ministerio de Fomento, o labor que se está a realizar para rematar no horizonte próximo os últimos tramos pendentes en Asturias e Cantabria para culminar plenamente a A-8 ou o esforzo destinado a que este mesmo ano se poida realizar o percorrido completo do Eixe Atlántico en alta velocidade.
Xunto con isto, puxo en valor o investimento para avanzar na conexión por AVE entre Galicia e Madrid co obxectivo de ir acurtando tempos de viaxe e de que sexa unha realidade plena no horizonte comprometido de 2018.
O presidente galego expresou o seu convencemento de que “ningún español pode ver nestes datos, con honestidade, algo diferente a un acto de estrita xustiza. O Ministerio de Fomento e o Goberno de España están facendo o que restaba por facer para homologarnos ao resto das comunidades. Por iso a finalización da Autovía do Cantábrico, a finalización do Eixe Atlántico de alta velocidade, a finalización das autovías do interior de Galicia, e a construción do tren de alta velocidade coa meseta non é máis que equipararnos ao resto das comunidades”, aseverou Feijóo ao respecto.
O titular da Xunta concluíu a súa intervención insistindo en que esta autovía será unha das vías que máis incidirán na incipiente recuperación económica porque, segundo explicou, por esta autovía acercarémonos a Europa, as mercadorías terán unha diminución dos custos no seu tratamento e iniciarase a relación directa das cidades da cornixa Cantábrica de forma definitiva.
*Foto: Conchi Paz.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
