FOZ, 4 DE FEBREIRO.- O Partido Socialista, tal e como anunciaron este martes os deputados autonómicos José Ramón Val e Juan Carlos González Santín, que estiveron acompañados dos voceiros e secretarios xerais do PSOE da Mariña, presentou varias iniciativas no Parlamento de Galicia, a través das que instarán ó Goberno Central ó inmediato arranxo da estrada N-642, o único viario costeiro e arteria principal de circulación entre os Concellos da Mariña, dende Ribadeo ata Viveiro. Deste xeito, os socialistas desprazáronse hoxe á zona para comprobar in situ o forte deterioro que presenta este vial, principalmente entre os municipios de Barreiros e Burela; zona na que a circulación é máis perigosa por mor do estado do firme.
A situación na que se atopa dende hai algún tempo esta infraestrutura, aseguran os deputados autonómicos, “roza a irresponsabilidade”, xa que varios treitos, principalmente entre os concellos de Barreiros e Burela (variante de Foz, polígono de Fazouro e o tramo dende Nois á paria de Arealonga) están ateigados de fochas e fochancas que, ademais de incomodar na condución, supoñen un serio risco para os condutores que circulan habitualmente por ela”. Neste senso, critican que, no día de onte, a Ministra de Fomento e o Presidente da Xunta se fosen da Mariña sen comprometer ningún investimento para esta estrada, cando é unha das principais arterias de comunicación da comarca.
“Os socialistas non imos criticar que estivesen todos en Mondoñedo, o que criticamos é que a Mariña tamén ten outras necesidades ás que o Partido Popular segue se facer caso. Esta inacción do PP provoca que sexamos un dos territorios máis abandonados e esquecidos polos Gobernos da Xunta e do Estado”, subliñou José Ramón Val.
Con gran volume de tráfico
Coas iniciativas presentadas, o obxectivo dos socialistas é coñecer qué previsións manexa o Goberno con respecto a esta infraestrutura, pois “estamos a falar dunha vía que soporta cada día un máis que importante volume de tráfico, xa que, entre outros, é a infraestrutura que dá servizo ó Hospital da Costa, polo que cada día pasan milleiros de cidadáns de toda a comarca, e mesmo tamén ás empresas de gran relevancia como Absa ou Alcoa”.
“Nulo compromiso político”
A este “nulo” compromiso do Executivo de Rajoy, destacou José Ramón Val, hai que sumar a falla de investimentos e paralizacións das infraestruturas de comunicación do Goberno galego, dende hai catro anos para sacar adiante a VAC, que une Ferrol con San Cibrao. “É dicir, ademais de non ser capaces de poñer enriba da mesa nin un só treito do corredor entre Barreiros e San Cibrao, semella que agora tamén esqueceron os traballos de mantemento desta Nacional”, destacou.
Por este motivo, os socialistas anuncian que tamén solicitarán, na Cámara galega, que a Xunta concrete os prazos nos que ten previsto rematar a Variante, pois a Consellería paralizou as obras ós poucos días de celebrarse as pasadas eleccións autonómicas, incumprindo os compromisos asumidos neste eido. Exemplo dito, lembran, é que, na planificación que o Goberno Galego fixo no orzamento de 2013, prevía un investimento durante 2014 de 9,3 millóns de euros, pero, finalmente, este quedouse nun 10%.
“Queremos que o Partido Popular nos diga que ten pensado facer con esta infraestrutura porque a día de hoxe nada ou pouco sabemos dela. Con estes dimes e diretes o que van conseguir é que non esté remada, como mínimo, ata 2017”, afirmou.
Axudas para os temporais da Mariña
Asimesmo, os socialistas mariñanos, ante os desperfectos ocasionados na zona pola cicloxénese Nadja, tamén indicaron que pedirán no Parlamento de Galicia que a Xunta habilite unha partida económica específica que permita actuar con celeridade ante os danos que poidan ocasionarse na zona cos futuros temporais.
“A obriga da Xunta é antepoñerse a este tipo de desastres, pois de nada serve botarse as mans á cabeza cando o dano xa está feito”. Por este motivo, esixen “unha maior previsión” porque “sempre imos detrás”, e solicitan que “se nos dé o mesmo trato que a outras zonas”. É o caso, lembran, do suceso acontecido recentemente en Muxía. “Resulta que para o santuario Feijóo dixo textualmente que se ía arranxar custase o que custase. A nós parécenos ben, pero cremos que A Mariña tamén merece unha atención específica”.
A este respecto, manifestaron o seu apoio á familia e veciños do rapaz de 15 anos desaparecido esta fin de semana en Foz. “A Mariña foi unha das zonas máis afectadas, pero, sen dúbida, a desaparición do mozo é o suceso máis tráxico. Os socialistas estamos coa familia e con todo o pobo de Foz, e así llelo queremos facer chegar”, subliñaron.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
