Burela, 18 de febreiro de 2014. O alcalde de Burela, José María González Barcia, agradeceu este martes a visita feita o luns ó concello burelés polo Conselleiro de Cultura e Educación da Xunta de Galicia, Jesús Vázquez, e amosouse moi satisfeito co anuncio feito relativo á renovación do tellado do edificio nº 1 do CEIP Vista Alegre, e que suporá un investimento de 140.000 euros.
González Barcia manifestou que “as xestións que fixemos coa Consellería foron eficaces e en todo caso en contacto coa dirección do centro, e hai que recoñecer que tivemos boa acollida por parte do conselleiro. O propio conselleiro sempre mostrou o seu compromiso con facer esta obra, e polo tanto é de xustiza recoñecerlle a súa implicación efectiva”.
O alcalde burelés recoñece que “esta obra era necesaria, e máxime despois dos últimos temporais, pero a enorme demanda de actuacións semellantes que ten o conselleiro riba da mesa podían retrasar a súa execución. Polo tanto, é para estar moi satisfeitos, xa que, grazas ó compromiso do conselleiro Jesús Vázquez, esta actuación permitirá ter un edificio que polo demais atópase en bo estado e que pode ser aínda moi aproveitable e aproveitado, e que pode e poderá dar moito servizo á comunidade educativa”.
José María González Barcia puxo en valor a xestión da Consellería de Educación no referido ó concello burelés: “a consellería puxo en marcha unha extensión da Escola de Idiomas que, neste segundo curso, ten a matrícula no límite máximo; ten feito actuacións nos dous CEIPs, algunhas en colaboración co propio Concello, como ocorreu coa biblioteca do IES Monte Castelo, na que a consellería puxo os cartos e o Concello a man de obra; e estou seguro que algunhas cuestións que temos en estudio tamén se resolverán positivamente”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
