Lugo, 7 de febreiro de 2014. O delegado de Cultura e Turismo da Deputación de Lugo, o nacionalista Mario Outeiro, na rolda de prensa tras a Xunta de Goberno da institución, anunciou a aprobación un ano máis do programa “Musiqueando pola provincia de Lugo” volve para promocionar a música popular e a súa creación desde as corais, as bandas e os grupos tradicionais.
Mario Outeiro defendeu que “acendo un importante esforzo orzamentario mantemos a partida destinada a este programa de 85.000 €, a mesma cantidade que no ano 2013. Queremos a través de “Musiqueando” achegar a música popular a todos os recunchos de Lugo, potenciando a música tradicional traballada por numerosos grupos nas distintas comarcas lucenses e incrementando as posibilidades de que teña un oco nas festas patronais dos nosos Concellos”.
“Musiqueando pola provincia de Lugo” é un programa que goza dunha estupenda acollida tanto desde os Concellos da nosa provincia como desde o tecido asociativo, ao igual que por parte dos grupos tradicionais, bandas e corais que cada ano se suman a participar do mesmo.
Mario Outeiro “na convocatoria de 2013, corais, bandas e grupos tradicionais ofreceron un total de 167 actuacións por toda a provincia (7 máis que na edición de 2012), concretamente 88 nos concellos do centro da provincia, 50 nos concellos do sur e 29 nos da Mariña, sendo as máis demandadas polos Concellos, comisións de festas e asociacións as dos grupos tradicionais, que ofreceron un total de 112 actuacións”.
Outeiro afirmou que “con programas coma “Musiqueando” desde a Área de Cultura da Vicepresidencia Primeira da Deputación de Lugo apostamos decididamente pola nosa cultura, nun momento no que esta está a verse fortemente atacada e afectada polos recortes dos gobernos do PP. Unha cultura popular e de base que está no cerne da existencia de Galiza e coa que todas e todos debemos implicarnos e comprometernos para seguir a manter as nosas tradicións”.
“Os cachés das actuacións de “Musiqueando pola provincia de Lugo 2014” serán de 1000€ para as bandas, 500 € para as corais e grupos de música tradicional; un custe que será, coma en anos anteriores, cofinanciado nun 80% pola Área de Cultura e Turismo en un 20% polas comisións de festas, asociacións ou Concellos que soliciten actuacións. Nos vindeiros días sairán publicadas no BOP as bases, momento a partires do cal os grupos que queiran formar parte do “Musiqueando 2014” deberán inscrivirse no prazo de 30 días naturais contados a partires da publicación. Do mesmo xeito, desde a data de publicación e ata o 30 de abril de 2014 as entidades que así o desexen poderán formalizar a súa solicitude” – informou Mario Outeiro.
Proceso accións Breogán
Diante das informacións aparecidas nalgún medio de comunicación, en referencia ao proceso de alleamento de accións da SAD Breogán que son propiedade da Deputación, Mario Outeiro indicou que “temos que sinalar que o proceso está transcorrendo con normalidade, e atópase na situación de que as entidades e persoas que optaron a accións acheguen a documentación precisa para proceder despois ao seu pagamento. Unha vez confirmada a venda das accións esta Xunta de Goberno a fórmula para a seguinte fase, que é a adxudicación directa das accións restantes”.
“Nesta liña, temos que destacar que é un exemplo de cumprimento de todas as nosas promesas en referencia ao Breogán: o club non se deslocaliza e os socios e socias e accionistas tiveron preferencia como anunciaramos. O proceso continúa sen présa pero sen pausa e del imos informando cumpridamente a cada paso que se produce” – rematou Outeiro.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
