Lugo, 10 de febreiro de 2014. O delegado de Cultura e Turismo da Deputación de Lugo, o nacionalista Mario Outeiro, presentou, este luns, xunto coa xerente da Rede Museística Provincial, Encarna Lago, o programa de actividades do Club Pequeamigos da Rede para os meses de marzo, abril e maio de 2014.
A programación que se presenta foi deseñada coma unha proposta conformada por diversos obradoiros, cos que se pretende un achegamento das nenas e nenos aos catro museos da Rede e ás súas coleccións, así como para dar resposta aos principios de simplicidade, participación, colaboración, diversión, emoción e coñecemento.
Neste sentido, Mario Outeiro precisou que “queremos que as xeracións do futuro aprendan, respecten e coñezan o noso patrimonio, como medio e como ferramenta para a súa formación, así como para o conxunto da sociedade. É dicir, museos onde a historia se converte en experiencias didácticas, vivenciais e lúdicas, un museo de historias por descubrir e compartir”.
“Un museo – continuou o delegado – é un espazo onde nos reflectimos nós mesmos e a Rede Museística Provincial de Lugo trata de facelo a través dos seus contidos e das súas experiencias pedagóxicas proxectándoas aos distintos colectivos da sociedade, neste caso aos máis pequenos”.
No caso do Museo de Lugo, as actividades estrutúranse nos martes de creatividade, con obradoiros como “Muller e Arte. Maruja Mallo”, no que os pequenos repasarán a vida e a primeira etapa artística da pintora viveirense e analizarán a obra “Guía postal de Lugo”, para logo realizaren a súa propia postal sorbe a cidade. Talleres sobre reloxos de sol, abanos, faldriqueiras e escultura, así como unha visita ao museo en tres dimensións, completan as actividades dos martes de creatividade.
A programación tamén inclúe os xoves de creatividade, con obradoiros nos que os máis pequenos aprenderán novas tecnoloxías, e os sábados e domingos polo Museo, con tres rutas diferentes: a primeira ruta, de artes decorativas, na que as crianzas se familiarizarán con faldriqueiras, reloxos, acibeches, abanos, ouvería, útiles de fumador e complementos de Entroido;a segunda, de belas artes, na que se achegarán a conceptos como a cor, a textura, a composición, os temas, as técnicas e a interpretación; e unha terceira, de arqueoloxía, na que coñecerán vivendas, vestimentas, ritos e costumes, e vida cotiá.
En San Paio de Narla os máis pequenos coñecerán a árbore xenealóxica, o paso do tempo no Señorío de San Paio de Narla, as armaduras, os Bargueños, as estruturas sociais do medievo e introduciranse no mundo da cociña. No Pazo de Tor achegaranse ás Lupercalias romanas, aos mecos de Entroido, celebrarán o Día da Árbore, e aprenderán a conversión da lá en tecido e evolución dos cereais na creación do pan, entre outros. No Museo do Mar, coñecerán, entre outras cousas, á muller mariñeira, os saberes da cociña e o mundo castrexo.
Profesionais do sector museístico e cultural como Encarna Lago, Raquel Guerrero, Lucía Dequit, María Montenegro, Paula Salinas, José Manuel Mendoza, Alba Gorgoso, Nieves Neira, Cristina Sánchez, Francisca Abuín, Ana Ferro, Jesús González, Tar López, Silvia Fiallega, Juan Ignacio Márquez Barros, Ángeles Miguélez e Amelia Pernas, serán os encargados de impartir as diferentes actividades.
O prazo de inscrición estará aberto desde mañá, martes 11 ata o venres 21 de febreiro, no horario de 9:00 a 14: 30 horas pola semana, sábados de 10:30 a 14:00 e de 16:30 a 20:00 horas e domingos de 11:00 a 14:00 horas. Na matrícula poderase marcar varias opcións. A reserva de praza realizarase por estrito orde de inscrición.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
