O derbi mariñán de Vista Alegre, entre o Burela FS Pescados Rubén B e o Superti A Pontenova, do sábado quedou na casa tras unha eficaz segunda parte dos laranxas que conseguiron remontar un 0-2 desfavorable e anotar o gol do triunfo a dous minutos para o final.
O Superti soubo beneficiarse da primeira parte con dobrete de Santi. Xa no minuto 2 o xogador pontenovés culminou un balón tras un malentendido entre Hélder e Alemán; no minuto 11, o 0-2 subiu ao electrónico en contraataque.
Con 0-2, o Burela FS B rearmouse para a súa volta á pista no segundo período. Antón González aproveitou un centro dende parede en banda para reducir distancias no minuto 23. O empate chegou no 29, nun contragolpe que rematou Keko. A dous minutos para o final Hélder, en xogada individual, proporcionoulle a vitoria e os tres puntos ao Burela FS B.
Ficha técnica
Burela FS Pescados Rubén B: Brais, Keko, Alemán, Bruno e Hélder, quinteto inicial; tamén xogaron Carlos, Antón González, Pancho, Xoel e Javi
Superti A Pontenova: César, Marcos, David Quintela, Santi e Josiño, quinteto inicial; tamén xogaron Pablo, Diego Lamas e Miguel
Goles: 0-1, minuto 2, Santi; 0-2, minuto 11, Santi; 1-2, minuto 23, Antón González; 2-2, minuto 29, Keko; 3-2, minuto 38, Hélder
Árbitros: Rivas Fouz // Naray Álvarez (Viveiro)
Tarjetas: Por Superti, amarela a Santi
*FOTO: A Caixa Escura Producións.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
