O Observatorio da Mariña pola Igualdade e a Concellería de Igualdade do Concello de Ribadeo, organizan para a vindeira semana unha serie de actos informativos en torno ao aborto, após da cadena humana en contra da reforma da lei do aborto que tivo lugar o pasado sábado 1 de febreiro na Ponte dos Santos.
Durante tres días seguidos o video-forum “O aborto, unha cuestión de liberdade”, que conta coa colaboración de Radiofoz, pretende achegarse a experiencias e tratamentos doutras sociedades e doutras épocas en relación a esta cuestión, co obxectivo de fornecer máis puntos de vista para conformar unha posición informada e crítica sobre o mesmo.
No video-forum, que terá lugar ás 20.00h no Cine-Teatro de Ribadeo, proxectaranse as seguintes películas:
· Luns 10: Las normas de la casa da la sidra, de Lase Hallström (EE.UU)
· Martes 11: El secreto de Vera Drake, de Mike Leigh (Reino Unido)
. Mércores 12: 4 meses, 3 semanas y 2 días, de Cristian Mungiu (Rumanía)
Este ciclo de actividades reivindicativas e informativas en torno á cuestión de aborto pecharase o venres 14 coa charla-café “Os dereitos sexuais e reproductivos a debate” que impartirá a médica e profesora Lola Ferreiro. Será ás 20.00h na Casa das Letras de Ribadeo.
Todas estas actividades, organizadas polo Observatorio e a Concellería de Igualdade do Concello de Ribadeo, desenvólvense co obxectivo de dar resposta social e de abrir debate en relación ás modificacións legais claramente regresivas que o goberno español pretende impoñer na cuestión do dereito ao aborto.
Desde o Observatorio consideramos necesario que a sociedade se conciencie da importancia de defender o dereito das mulleres a decidir sobre a súa vida e os seus corpos. É por iso que convidamos, a todas e a todos, a asistir ao conxunto de actividades presentadas como maneira de nos informar e de debater sobre esta cuestión.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
