Mondoñedo, 15 de febreiro de 2014.- O Partido Popular de Mondoñedo urxirá, a través dunha moción plenaria, ao equipo de goberno da localidade que inicie os trámites para que o municipio poda contar cun centro de día. Polo tanto e dunha maneira máis concreta, os populares demandan que o BNG e PSOE presenten ante a Xunta de Galicia a solicitude de permiso de inicio de actividades nos próximos días.
Áxil resposta da Xunta de Galicia
Os populares trasladan esta petición tras coñecer que a Xunta de Galicia considera viable o proxecto técnico para que a Casa Sindical se poda chegar a converter nun centro de día, tras que se aprobase a reversión ao Concello.
Neste senso, os populares agradecen a “áxil” resposta da administración autonómica e agardan que esta mesma dilixencia se amose por parte do equipo de goberno do Concello de Mondoñedo.
O procedemento non foi iniciado oficialmente á espera de que o Concello realice os trámites oportunos e que no proxecto se leven a cabo as reformas mínimas para que esta ubicación reúna as condicións que requiren esta tipoloxía de centros.
Evitar un novo caso de inoperancia e mentira
Os populares lembran que a inoperancia e a mentira do goberno local se puxo de manifesto en diferentes ocasións denunciadas polos populares, -como a tardanza na remisión da documentación solicitada pola Xunta para a obtención da licenza para o centro de interpretación da prehistoria- e que provocaron que se frearan proxectos para a localidade.
A desconfianza xerada na falta de xestión e conscientes da necesidade deste centro, motivou aos populares a solicitar vía pleno unha resposta inmediata por parte de Orlando González; ao que lle censuran que en máis de seis anos de goberno non fose quen de iniciar con anterioridade esta xestión.
Que fixo en seis anos de goberno?
Os populares consideran que o alcalde “vai tarde” e pregúntanse polas xestións que promoveu Orlando González durante máis de seis anos ao fronte do goberno municipal.
Os populares lembran que o nacionalista no ano 2007 anunciara un centro de día no barrio dos Muíños, e cuxa falta de planificación supuxo un investimento público improdutivo, xa que o PSOE e o BNG crearon un proxecto imposible de levar a cabo pola insuficiencia do espazo no que se quería albergar.
O PP retoma as declaracións de Orlando González nas que daba por realidade a dotación deste servizo no ano 2007 ao asegurar que o centro de día “é un logro moi importante, unha carencia de Mondoñedo, moi necesario; fundamental. Aquí, -nos Muíños-, estarán os maiores de todo o municipio da mañá á noite e será un servizo moi útil”.
Porén, segundo evidencian os populares, as palabras do nacionalista caeron en “saco roto” e a día de hoxe o Concello non conta con este centro. “Que fixo en seis anos de goberno?”, pregúntanse os populares
Total apoio do PP
O Partido Popular de Mondoñedo defende a importancia deste servizo para a localidade, polo que amosa o seu total apoio para que este proxecto se poda converter nunha realidade.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
