Lourenzá, 28 de febreiro de 2014. O ximnasio municipal de Lourenzá foi adxudicado á empresa local Ana Sport, que ten un mes de prazo para reabrir as instalacións. A alcaldesa, Emma Álvarez Chao, destaca o amplio horario e as actividades que ofrecerá.
A rexedora municipal anunciou que “as instalacións do ximnasio municipal, que está situado no Campo da Feira, no lugar da Gracia, xa ten adxudicatario, despois de que rematara o proceso administrativo coa propia adxudicación na xunta de goberno local, logo de que foron estudadas as distintas propostas económico administrativas presentadas pola mesa de contratación. O proxecto presentando polo promotor obtivo a máxima puntuación en todos os aspectos. Valorouse a oferta económica, o proxecto en si, o prezo do servizo e tamén a experiencia”.
Emma Álvarez engadiu que “a proposta económica que presentou foi de 400 euros anuais, é dicir 100 euros máis do prezo de partida. E no tocante ao proxecto valoramos positivamente, por un lado, o amplo horario de apertura ao público que terá: de luns a venres de 10 a 13:30 e de 17:30 a 22:30 e os sábados de 10:30 a 14 horas. Tamén valoramos positivamente as distintas actividades que son susceptibles de desenvolverse neste ximnasio se hai demanda por parte dos usuarios: ximnasia de mantemento, psicomotricidade para nenos, pilates, tonificación, just pump, spinning, zumba ou ioga, entre outros; así como os distintos tipos de masaxes que pode ofertar o titular que contratará para dar este servizo: desde masaxes relaxantes, terapéuticos ou circulatorios a outros como masaxes chinos, deportivos ou neuromusculares. Ademais conta cunha ampla gama de aparatos para traballar de xeito individual e tamén hai sauna”.
A alcaldesa considera que “é unha boa nova para os usuarios do ximnasio, que están esperando a que dunha vez por todas se reanude a actividade e con este proceso queda fixado como prazo máximo un mes para a súa apertura. Tamén é unha nova importante dende o punto de vista municipal, xa que a adxudicataria é coñecedora do sector e ademais é veciña de Lourenzá e temos a esperanza de que se contrata xente sexa tamén deste municipio. Concretamente a adxudicataria deste servizo é unha empresa coñecida no concello por ter unha tenda de deportes: a firma Ana Sport”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
