Ribadeo, 3 de febreiro de 2014. O alcalde, Fernando Suárez, agarda que o retraso na autorización que a Xunta debe dar para poder licitar as obras de construción da residencia de maiores sexa unha falsa alarma e non o inicio dunha polémica que nin Ribadeo nin os grupos políticos da Corporación Municipal buscan.
O rexedor referiuse “a esta realidade de ter a día de hoxe consignados, asinados e conveniados coa Deputación Provincial de Lugo 1.828.000 euros para a construción da residencia de maiores en Ribadeo. E vemos que para poder licitar as obras, para poder sacar a concurso as obras, necesitamos unha autorización autonómica, da Xunta de Galicia, e é o que se nos está a demorar dunha maneira inxustificada. De aí que este venres todos os portavoces municipais xunto co representante das asociacións de veciños nos diriximos de maneira urxente á conselleira de Traballo e Benestar para que dunha vez por todas nos dea a autorización e ter luz verde para poder licitar as obras”. Suárez Barcia lembrou que “neste ano 2014 debemos ter executada unha cantidade de diñeiro moi importante, tan importante coma que son 1.028.000 euros. Si a autorización tarda moito en vir, e despois con todo o tempo que necesitamos para licitar as obras, é posible que non poidamos executar todo o que se espera que executemos neste ano”.
O alcalde de Ribadeo considera que “sería unha desgraza para todos os veciños e veciñas deste concello que despois de loitar tanto para ter o diñeiro, e cando temos unha cantidade moi importante non poidamos empezar as obras por non ter autorización da Xunta, cando ademais nos consta desde o punto de vista técnico, é dicir os arquitectos informantes da administración autonómica deste proxecto, nos teñen dito que teñen feito o informe favorable e que só queda que a Xunta o mande ao Concello de Ribadeo para que nós poidamos iniciar as obras”. E engadiu que “ser ou non ser dependerá da actitude de Goberno galego, estaremos á expectativa nos vindeiros días, espero e desexo que isto sexa unha falsa alarma, e non o principio dunha polémica que para nada buscamos desde Ribadeo e desde todos os grupos da Corporación Municipal de Ribadeo”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
