Lugo, 22 de febreiro de 2014. A área de Cultura e Turismo da Deputación de Lugo contou nos últimos dous meses e medio coa colaboración da alumna do Mestrado en Dirección de Proxectos no Campus de Lugo da Universidade de Santiago de Compostela, Yana Nagaytseva, natural de Moscova, Rusia, que realizou as súas prácticas do Mestrado na institución provincial, no marco da colaboración entre a área de Cultura e Turismo coa USC, e máis concretamente a través da Escola Politécnica Superior do Campus de Lugo.
O pasado xoves, 20 de febreiro, rematou o período de estancia de Yana na área, durante o cal desenvolveu un plan de traballo elaborado en base á proposta realizada pola propia alumna, conformado por un breve estudo sobre turismo gastronómico na provincia de Lugo, asi como polo lanzamento dun blogue no que promociona esa rama do turismo lucense.
Para facer o estudo a alumna dispuxo dos medios bibliográficos dos que se surte a área de Cultura e Turismo ao tempo que contactou con entidades públicas e privadas para poder elaborar unha base de datos de destinos turístico-gastronómicos interesantes na provincia de Lugo. O estudo distribuiuse dous en xeodestinos, concretamente en alomenos dous lugares en cada xeodestino que conten con algunha peculiaridade gastronómica que resulte de interese encamiñado a por en valor esta circunstancia.
No que se refire ao Blog – http://lugoru.blogspot.com -, este está vinculado á web da área de Cultura e Turismo da Deputación – www.lugoterra.com – e o seu contido está dispoñible na lingua da alumna, e foi actualizado pola propia alumna coa supervisión de contido por parte da súa titora, en función dos avances realizados no estudo previo. Desta maneira, servirá para a difusión turística de Lugo no país de orixe da alumna. Ademais, Yana encargouse de difundilo tamén a través das redes sociais Facebook e Twitter, así como entre as oficinas de turismo da súa cidade, Moscova.
O delegado de Cultura e Turismo da Deputación de Lugo, o nacionalista Mario Outeiro, que tivo a oportundiade de coñecer de primeira man o traballo desenvolto nestes dous meses e medio por Yana Nagaytseva, afirmou que “desde a Deputación de Lugo satisfácenos ter acollido a unha alumna como Yana aberta ao coñecemento da cultura galega e á descuberta de Lugo como destino turístico con moitas potencialidades”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
