Foz, 12 de marzo de 2014. A biblioteca pública municipal de Foz organiza unha programación de actividades culturais que empeza este sábado, día 15, e desenvolverase ata o mes de maio.
Esta serie de actividades denominase Programación das Letras porque inclúe actos para celebrar o Día do Libro, que se conmemora o 23 de abril, e o Día as Letras Galegas, que é o 17 de maio.
Comeza este sábado, día 15, ás 20 horas co Festival dos Namorados, no que se entregarán os premios aos galardoados no XIII certame de poemas de amor e actuará a cantante Najla Shami. A segunda actividade será o 21 de abril, luns, ás 18:30 horas a cargo de Trinke Trinke Teatro que ofrecerá o contacontos teatral para nenos de 4 a 8 anos titulado Aventuras na cociña. O 15 de maio, xoves, ás 11:30 horas Teatro Babaluva ofrecerá Retratando a Díaz Castro na biblioteca escolar do IES de Foz. Tamén se inclúe o certame de narración e debuxo Letras Galegas 2014 en maio, mes no que tamén haberá visitas escolares á biblioteca pública municipal de 10 a 14 horas.
O concelleiro de Cultura en Foz, Ánxel Paleo Soto, explicou que esta programación é “unha proposta para todas as idades, onde se mestura actuación musical con poemas con contacontos para os máis pequenos e un obradoiro para os mozos, así como o clásico Certame das Letras Galegas de narración e debuxo. O Concello patrocina estas actuacións coa colaboración do programa Ler conta moito, da Consellería de Cultura da Xunta de Galicia, á que damos as grazas pola súa achega”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
