Lugo, 20 de marzo de 2014.- A Delegación Territorial da Xunta en Lugo impulsa a conmemoración do Día Forestal Mundial (comunmente recoñecido como Día da Árbore) coa organización e participación durante os próximos días en diferentes actos institucionais de difusión e de concienciación social en varios concellos da provincia.
Así o explicou a delegada territorial, Raquel Arias, que apuntou que se distribuirán e plantarán máis de 800 exemplares de especies arbóreas autóctonas mediante esta iniciativa, fixada pola Unesco no día 21 de marzo, e que pretende involucrar a institucións, colectivos cidadáns e escolares.
Un dos actos centrais da celebración na provincia terá lugar en Sarria o vindeiro sábado día 22 de marzo. Nesta xornada, a Delegación Territorial de Lugo participará na plantación de 30 árbores nun acto no que está prevista a participación de máis de 150 persoas de colectivos veciñais e vencelladas á Federación de Asociacións de Veciños de Lugo, que promove esta actividade.
No acto, no que estarán presentes tamén brigadas do distrito forestal de Sarria da Consellería de Medio Rural e do Mar, realizarase a plantación de frondosas no entorno da escola da parroquia sarriá de Vilapedre. Ademais das devanditas árbores, a delegación territorial entregará 200 árbores autóctonas máis á federación de asociacións veciñais para que sexan distribuídas entre os colectivos relacionados coa mesma.
As árbores que serán distribuídas nos actos nos que colabora a Delegación Territorial de Lugo proceden dos viveiros Os Trollos (Bóveda) e Sambreixo (Guitiriz), ambos dependentes da Xunta de Galicia. Deste xeito, na xornada de mañá, día 21, o departamento territorial participa na plantación que terá lugar no lugar da Barxela, en Monforte, no que alumnos de nove centros educativos do concello monfortino realizarán a plantación de 34 árbores (12 bidueiras, 12 amieiros, 8 pradairos e 2 abetos).
Do mesmo xeito, na zona sur da provincia lucense, a Delegación Territorial colabora cos concellos de Folgoso do Courel, Pantón e Sober, entre os que distribúe 125 pés de carballos, castaños, entre outras especies, para a súa plantación. E mañá mesmo, o CEIP Rosalía de Castro, de Bóveda, realizará a plantación de cinco árbores entregadas pola delegación territorial nos xardíns do centro.
Así mesmo, o departamento territorial colabora tamén cos concellos de Ribadeo e Barreiros, aos que achega 80 e 18 árbores, respectivamente, para súa plantación. Neste caso, distribúense freixos, carballos e castiñeiros, na súa meirande parte.
Igualmente, na zona da Mariña está prevista a entrega de 104 árbores, a meirande parte castiñeiros, ao CEIP Lois Tobío, Viveiro, e 35 máis ao IES San Rosendo, de Mondoñedo, para proceder tamén á plantación destas árbores.
Arias subliñou “a importancia de concienciar á poboación en xeral e, en particular, aos máis novos da transcendencia que ten preservar o medio ambiente”. A delegada territorial aludiu á necesidade de “apostar polo carácter produtivo e sostible dos recursos forestais” buscando a rendibilidade económica porque “o monte, ademais de riqueza patrimonial e cultural, representa tamén unha actividade empresarial que pode xerar moitos postos de traballo e axudar a fixar poboación no medio rural”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
